ស.ស.យ.ក. វិស័យសាធារណការ និងដឹកជញ្ជូន សូមគាំទ្រយ៉ាងពេញទំហឹងជាមួយក្តីមោទនៈក្រៃលែង ចំពោះ “គម្រោងព្រែកជីក ហ្វូណនតេជោ” ដែលជាគម្រោងប្រវត្តិសាស្ត្រទី១ ក្នុងវិស័យដឹកជញ្ជូនផ្លូវទឹករបស់កម្ពុជា និងជាគំនិតផ្តួចផ្តើមដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី និងជាប្រធានព្រឹទ្ធសភា នៃព្រះរាជាណាចក្រកម្ពុជា ហើយបច្ចុប្បន្នដែលមាន សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា កំពុងបន្តស្នាដៃ និងជំរុញបន្ថែមក្នុងការអភិវឌ្ឍនូវគម្រោងនេះឱ្យសម្រេចបាននាពេលអនាគត។ ក្នុងស្មារតីនេះ ស.ស.យ.ក. វិស័យសាធារណការ និងដឹកជញ្ជូន សូមគោរពថ្លែងអំណរគុណយ៉ាងជ្រាលជ្រៅបំផុតជូនចំពោះ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា និង សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដែលបានប្តេជ្ញាកសាងព្រែកជីកហ្វូណនតេជោឱ្យលេចចេញជារូបរាងឡើង នាពេលដ៏ខ្លីខាងមុខនេះ ហើយយើងខ្ញុំប្តេជ្ញាចូលរួមជាមួយរាជរដ្ឋាភិបាលកម្ពុជាក្នុងការការពារផលប្រយោជន៍ជាតិ និង ប្រជាជនតាមរយៈគម្រោងដ៏វិសេសវិសាលនេះ ដើម្បីជំរុញដល់ការអភិវឌ្ឍសង្គមជាតិ ឈានទៅសម្រេចបានទស្សនវិស័យ កម្ពុជាឆ្នាំ២០៥០ ជាពិសេសកសាងសង្គមជាតិកម្ពុជាមួយប្រកបដោយវឌ្ឍនភាព វិបុលភាព និងកាលានុវត្តភាព៕