តើត្រូវមានឯកសារអ្វីខ្លះ មុនយករថយន្តស្នើធ្វេីការត្រួតពិនិត្យលក្ខណៈបច្ចេកទេសយានជំនិះ(ឆៀក)? ឈ្វេងយល់ ពីនីតិវិធីមុនពេលយករថយន្តទៅធ្វេីការត្រួពិនិត្យលក្ខណៈបច្ចេកទេសយានជំនិះ(ឆៀក) ត្រូវមានឯកសារដូចជា : ១) ករណីទើបតែទិញរថយន្តថ្មីចេញពីក្រុមហ៊ុន មិនទាន់មានផ្លាកលេខ (មិនទាន់ចុះបញ្ជី) ត្រូវភ្ជាប់ឯកសារ : - ពាក្យស្នើសុំត្រួតពិនិត្យលក្ខណៈបច្ចេកទេសយានជំនិះ - អត្តសញ្ញាណប័ណ្ណ សញ្ជាតិខ្មែរ ឬសៀវភៅគ្រួសារ ឬលិខិតឆ្លងដែន ឬ បណ្ណប៉ាតង់ - បង្កាន់ដៃពន្ធនាំចូលយានជំនិះ (ថតចម្លង) - បង្កាន់ដៃបង់ប្រាក់ ២) ចំពោះរថយន្តត្រូវបន្តសុពលភាពត្រួតពិនិត្យលក្ខណៈបច្ចេកទេសយានជំនិះ (ឆៀក) (ចុះបញ្ជីរួច) ត្រូវភ្ជាប់ឯកសារ : - ពាក្យស្នើសុំត្រួតពិនិត្យលក្ខណៈបច្ចេកទេសយានជំនិះ - បណ្ណសម្គាល់យានជំនិះ (ថតចម្លង) - វិញ្ញាបនបត្រត្រួតពិនិត្យលក្ខណៈបច្ចេកទេសយានជំនិះ (ចាស់) - បង្កាន់ដៃបង់ប្រាក់ * ចុះឈ្មោះតាមប្រព័ន្ធស្វ័យប្រវត្តិកម្មត្រួតពិនិត្យលក្ខណៈបច្ចេកទេសយានជំនិះ : https://techinspection.mpwt.gov.kh * ព័ត៌មានលម្អិតសូមទាក់ទងលេខប្រឹក្សាយោបល់លើសេវាសាធារណៈរបស់ក្រសួង ដោយឥតគិតថ្លៃ : 1275