គណៈកម្មាធិការជាតិគ្រប់គ្រងគ្រោះមហន្តរាយ (គ.ជ.គ.ម.) បើកកិច្ចប្រជុំពិគ្រោះយោបល់លើ ផែនការសកម្មភាពជាតិសម្រាប់កាត់បន្ថយហានិភ័យគ្រោះមហន្តរាយ ២០២៤-២០២៨ រាជធានីភ្នំពេញ៖ នាព្រឹកថ្ងៃអង្គារ ទី២៦ ខែមីនា ឆ្នាំ២០២៤ ក្រោមការចង្អុលបង្ហាញរបស់ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន និងជាសមាជិក គ.ជ.គ.ម. ឯកឧត្តម ឡាវ វ៉ាន់ រដ្ឋលេខាធិការ បានអញ្ជើញចូលរួមកិច្ចប្រជុំ គណៈកម្មាធិការជាតិគ្រប់គ្រងគ្រោះមហន្តរាយ ក្រោមកិច្ចដឹកនាំរបស់ ឯកឧត្តម នាយឧត្តមសេនីយ៍ កិត្តិសង្គហបណ្ឌិត គន់ គីម ទេសរដ្ឋមន្ត្រី អនុប្រធានទី១ គ.ជ.គ.ម. ដែលបានប្រព្រឹត្តទៅនៅ វិមានសន្តិភាព នៃទីស្តីការគណៈរដ្ឋមន្ត្រី។ កិច្ចប្រជុំនាព្រឹកនេះត្រូវបានរៀបចំឡើងដើម្បី ពិនិត្យពិភាក្សា និងកែសម្រួលលើ ផែនការសកម្មភាពជាតិសម្រាប់ការកាត់បន្ថយហានិភ័យគ្រោះមហន្តរាយ ២០២៤-២០២៨ សំដៅធ្វើឱ្យផែនការសកម្មភាពនេះ មានលក្ខណៈពេញលេញ គ្រប់ជ្រុងជ្រោយ ស្របទៅនឹងគោលដៅយុទ្ធសាស្រ្ត និងកម្មវិធីអាទិភាពនីមួយៗរបស់ក្រសួង ស្ថាប័ន ដែលជាសមាជិក គ.ជ.គ.ម.។ សូមជម្រាបដែរថា ផែនការសកម្មភាពជាតិសម្រាប់ការកាត់បន្ថយហានិភ័យគ្រោះមហន្តរាយ ២០២៤-២០២៨ ត្រូវបាន គ.ជ.គ.ម. រៀបចំឡើង និងកំណត់ជាបញ្ហាអន្តរវិស័យ ដែលក្រសួង ស្ថាប័នពាក់ព័ន្ធទាំងអស់ត្រូវចូលរួមប្រតិបត្តិតាម៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube