កិច្ចប្រជុំពិភាក្សាជាមួយក្រុមការងារភាពជាដៃគូសម្រាប់ហេដ្ឋារចនាសម្ព័ន្ធ(P4I) ស្ដីពីកិច្ចសហប្រតិបត្តិការបណ្ដុះបណ្ដាលធនធានមនុស្សលើវិស័យប្រព័ន្ធទឹកកខ្វក់ ទីស្ដីការក្រសួង ៖ នាថ្ងៃសុក្រ ទី១៥ ខែមីនា ឆ្នាំ២០២៤ ឯកឧត្តម រស់ វណ្ណា រដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំពិភាក្សាបន្ដជាមួយក្រុមការងារដៃគូអភិវឌ្ឍន៍ ភាពជាដៃគូសម្រាប់ហេដ្ឋារចនាសម្ព័ន្ធ (Partnership for Infrastructure-P4I) នៃប្រទេសអូស្ត្រាលី ស្ដីពីកិច្ចសហប្រតិបត្តិការបណ្ដុះបណ្ដាលពង្រឹងធនធានមនុស្សតាមរយៈប្រព័ន្ធវីដេអូពីចម្ងាយ ដោយមានការចូលរួមពីសំណាក់ ឯកឧត្តមអនុរដ្ឋលេខាធិការ លោកអគ្គនាយករង ប្រធាន-អនុប្រធាននាយកដ្ឋាន និងមន្ត្រីជំនាញនៃអគ្គនាយកដ្ឋានប្រព័ន្ធចម្រោះទឹកកខ្វក់ផងដែរ។ គោលបំណងនៃកិច្ចប្រជុំនេះ គឺដើម្បីកំណត់ពេលវេលា និងរបៀបវារៈសម្រាប់ការរៀបចំវគ្គបណ្តុះបណ្តាលផ្លាស់ប្ដូរចំណេះដឹង បទពិសោធន៍ និងមតិយោបល់លើប្រព័ន្ធទឹកកខ្វក់នៅក្នុងប្រទេសអូស្ត្រាលី និងប្រទេសកម្ពុជា និងស្នើភាគីអូស្ត្រាលី ផ្ដល់នូបទពិសោធ៍ក្នុងការរៀបចំតម្លៃសេវាទឹកកខ្វក់នៅក្នុងប្រទេសអូស្ត្រាលី ដើម្បីយកមកពិនិត្យសិក្សាតម្លៃទឹកកខ្វក់នៅក្នុងប្រទេសកម្ពុជា៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube