កិច្ចពិភាក្សាស្ដីពីគម្រោងសាងសង់កំណាត់ផ្លូវជាតិលេខ ៦០បេ (ក្រុងក្រចេះ- កំពង់ថ្ម - កំពង់ធំ) ក្រោមឥណទានសហប្រតិបត្តិការពីសាធារណរដ្ឋប្រជាមានិតចិន ទីស្តីការក្រសួង៖ នាព្រឹកថ្ងៃចន្ទ ទី២៦ ខែកុម្ភ: ឆ្នាំ២០២៤ ឯកឧត្តម សុខុម ភគវន្តមុនី រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំពិភាក្សាស្តីពីការងារគ្រប់គ្រងគម្រោងសាងសង់ផ្លូវជាតិលេខ៦០បេ ក្រោមក្របខណ្ឌហិរញ្ញប្បទានសហប្រតិបត្តិការពីរដ្ឋាភិបាល នៃសាធារណរដ្ឋប្រជាមានិតចិន ដោយមានការចូលរួមពីថ្នាក់ដឹកនាំ និងមន្ត្រីជំនាញពាក់ព័ន្ធក្រោមឱវាទក្រសួង។ កិច្ចប្រជុំនេះធ្វើឡើងដើម្បីពិភាក្សាលើការងាររៀបចំផែនការមេសម្រាប់អនុវត្តគម្រោងសាងសង់ផ្លូវជាតិលេខ៦០បេ និងពិភាក្សាលើការផ្លាស់ប្ដូរ Alignment ដើម្បីធ្វើការសិក្សា និងពិនិត្យលទ្ធភាពលើផលប៉ះពាល់របស់ប្រជាពលរដ្ឋ និងបញ្ហាប្រឈមផ្សេងៗទៀត ដើម្បីជំរុញឱ្យគម្រោងសាងសង់ខាងលើនេះអាចអនុវត្តទទួលបានលទ្ធផលល្អ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube