កិច្ចប្រជុំពិភាក្សាស្វែងយល់ពីការរៀបចំផ្លូវក្នុងក្រុងជាមួយក្រសួងរៀបចំដែនដី នគរូបនីយកម្ម និងសំណង់ ដើម្បីរៀបចំបទដ្ឋានបច្ចេកទេសរួមគ្នា ទីស្តីការក្រសួង៖ នារសៀលថ្ងៃសុក្រ ទី២៣ ខែកុម្ភៈ ឆ្នាំ២០២៤ ឯកឧត្តម យិត បុណ្ណា រដ្ឋលេខាធិការ ក្រសួងសាធារណការ និងដឹកជញ្ជូន បានជួបពិភាក្សាជាមួយ ឯកឧត្តម ម៉ុម មុនី អគ្គលេខាធិការ ក្រុមប្រឹក្សាជាតិបទប្បញ្ញត្តិបច្ចេកទេសសំណង់ និងមន្ទីរពិសោធន៍ជាតិសំណង់ នៃក្រសួងរៀបចំដែនដី នគរូបនីយកម្ម និងសំណង់ ស្ដីពីការរៀបចំផ្លូវក្នុងក្រុង ដោយមានការចូលរួមពីមន្ត្រីជំនាញពាក់ព័ន្ធជាច្រើនរូបផងដែរ។ កិច្ចប្រជុំនេះរៀបចំឡើងក្នុងគោលបំណង ដើម្បីពិភាក្សាស្វែងយល់ពីវិធានការ និងផ្លាស់ប្ដូរយោបល់គ្នាពីបទដ្ឋានបច្ចេកទេសស្ដីពីធរណីមាត្រផ្លូវពាក់ព័ន្ធនឹងហេដ្ឋារចនាសម្ព័នផ្លូវថ្នល់ ដើម្បីពិនិត្យ និងស្វែងយល់បន្ថែមលើអ្វីដែលក្រសួងទាំងពីរមានស្រាប់ និងអ្វីដែលមិនទាន់មាន ដើម្បីធ្វើការដាក់បញ្ចូលគ្នា សំដៅឱ្យការរៀបចំ និងការដាក់ឱ្យប្រើប្រាស់ទៅជាបទដ្ឋានរួមមួយ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube