កំពត៖លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពត បញ្ជាក់ជូនទីតាំងដែលបានតម្លើងស្លាកកំណត់ល្បឿនលើជាតិលេខ3 កំពុងទទួលបានការកោតសសើរយ៉ាងខ្លាំងពីសំណាក់ពលរដ្ឋ នេះបើយោងតាមផេកការ របស់ស្នងការដ្ឋាននគរបាលខេត្តកំពត កាលពីថ្ងៃទី១៨ ខែកុម្ភៈ ឆ្នាំ២០២៤ ។ លោក ម៉ៅ ច័ន្ទមធុរិទ្ធ បានអោយុដឹងថា ខ្ញុំសូមបញ្ជាក់ជូនទីតាំងដែលបានតម្លើងស្លាកកំណត់ល្បឿនលើជាតិលេខ3 ពីភ្នំពេញមកខេត្តកំពតមាន ០៣ គោលដៅ ។ ១. គោលដៅទី ០១ (ចន្លោះបង្គោលគីឡូម៉ែត្រលេខ 98-99) ស្ថិតក្នុងភូមិពស់ពង ឃុំនរាយណ៍ ស្រុកឈូក ខេត្តកំពត ។ ២. គោលដៅទី ០២ (ចន្លោះបង្គោលគីឡូម៉ែ្រតលេខ 116-117) ស្ថិតក្នុងភូមិត្រពាំងរាំង ឃុំអង្គរមាស ស្រុកដងទង់ ខេត្តកំពត ។ ៣. គោលដៅទី ០៣ (ចន្លោះបង្គោលគីឡូម៉ែត្រលេខ 132-133) ស្ថិតក្នុង ភូមិព្រៃថ្នង ឃុំព្រៃថ្នង ស្រុកទឹកឈូ ខេត្តកំពត ។ ជាមួយគ្នានេះលោកបានបន្ថែមថា នៅពេលអនុវត្តគឺមិនអនុវត្តទាំងបីគោលដៅព្រមគ្នានោះទេបាទ គឺយើងខ្ញុំនិងបែងចែកវេនគ្នាដើម្បីចុះអនុវត្ត សូមបងប្អូនទាំងអស់ជ្រាបជាពត៏មាន ៕