ភ្នំពេញ: គម្រោងស្ថាបនាផ្លូវជាតិ លេខ១០ ពីកោះកុង ឆ្លងពោធិ៍សាត់ ទៅបាត់ដំបងប្រវែងជិត២០០គីឡូម៉ែត្រ សម្រេចបាន ជិត៧៨ភាគយ នៃគម្រោងទាំងមូល ខណៈដែលស្ពានខ្ពស់ប្រវែង ៥៣០ម៉ែត្រ ត្រង់គ.ម ១២៨+៩០៥ សម្រេចបាន ៣៩%។ នេះបេីយោងតាមគណនីហ្វេសប៊ុក លោក ផន រឹម អ្នកនាំពាក្យក្រសួងសាធារណការនិងដឹកជញ្ជូន។គម្រោងស្ថាបនាផ្លូវជាតិលេខ១០ បានដំណើរការចាប់ផ្ដេីមចាក់កៅស៊ូពីខាងខេត្តកោះកុង ឆ្ពោះទៅកាន់រង្វង់មូលប្រមោយស្រុកវាលវែង ខេត្តពោធិ៍សាត់។តាមលោក ផន រឹម បានឲ្យដឹងថា រយៈពេលសាងសង់ៈ៤៨ខែ+១៨ខែ=៦៦ខែ ចាប់ផ្តើមថ្ងៃទី១៨ខែធ្នូឆ្នាំ២០១៩ នឹងបញ្ចប់ខែមិថុនា ២០២៥ ជាប្រភេទផ្លូវៈ Grade III, ក្រាលកៅស៊ូពីរស្រទាប់ (DBST),ប្រវែងផ្លូវ :១៩៨,៥១៨គម, ទទឹង: ៩ម ។