កិច្ចប្រជុំស្ដីពីការបង្កើតគណៈកម្មការគ្រប់គ្រង និងសម្របសម្រួលលើការសិក្សាគម្រោងរៀបចំច្រកទ្វារព្រំដែនអន្តរជាតិ ក្រោមក្របខ័ណ្ឌហិរញ្ញប្បទានពី ទីភ្នាក់ងារសហប្រតិបត្តិការអភិវឌ្ឍន៍សេដ្ឋកិច្ចប្រទេសជិតខាង របស់ព្រះរាជាណាចក្រថៃ ទីស្តីការក្រសួង៖ នាព្រឹកថ្ងៃសុក្រ ទី១៦ ខែកុម្ភ: ឆ្នាំ២០២៤ ឯកឧត្តម សុខុម ភគវន្តមុនី រដ្ឋលេខាធិការក្រសួងសាធារណការ និងដឹកជញ្ជូន និងជាប្រធានគណៈកម្មការ បានអញ្ជើញដឹកនាំកិច្ចប្រជុំពិភាក្សាស្តីពីការបង្កើតគណៈកម្មការគ្រប់គ្រង និងសម្របសម្រួលលើការសិក្សាគម្រោងរៀបចំច្រកទ្វារព្រំដែនអន្តរជាតិ ក្រោមក្របខ័ណ្ឌហិរញ្ញប្បទានពី ទីភ្នាក់ងារសហប្រតិបត្តិការអភិវឌ្ឍន៍សេដ្ឋកិច្ចប្រទេសជិតខាង របស់ព្រះរាជាណាចក្រថៃ ដោយមានការចូលរួមពី ឯកឧត្តមអនុរដ្ឋលេខាធិការ ថ្នាក់ដឹកនាំ និងមន្ត្រីជំនាញពាក់ព័ន្ធ ជាច្រើនរូប។ កិច្ចប្រជុំនេះរៀបចំឡើងដើម្បីពិភាក្សាពីគម្រោងផែនការ និងការត្រៀមលក្ខណៈសហការ សម្របសម្រួលជាមួយ ទីភ្នាក់ងារសហប្រតិបត្តិការអភិវឌ្ឍន៍សេដ្ឋកិច្ចប្រទេសជិតខាង របស់ព្រះរាជាណាចក្រថៃ ក្នុងការអនុវត្តការសិក្សា គម្រោងរៀបចំច្រកទ្វារព្រំដែនអន្តរជាតិស្ទឹងបត់ ជំហានទី២ គម្រោងរៀបចំច្រកទ្វារព្រំដែនអន្តរជាតិអូរស្មាច់ និងផ្លូវជាតិលេខ៦៨ និងគម្រោងរៀបចំច្រកទ្វារព្រំដែនអន្តរជាតិផ្សារព្រំ និងផ្លូវជាតិលេខ៥៧ នាពេលឆាប់ៗខាងមុខ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube