កិច្ចប្រជុំត្រៀមរៀបចំ និងពិនិត្យលើវឌ្ឍនភាពបទអន្តរាគមន៍ ក្នុងសន្និបាតបូកសរុបលទ្ធផលការងារ ឆ្នាំ២០២៣ និងលើកទិសដៅការងារ ឆ្នាំ២០២៤ របស់ក្រសួងសាធារណការ និងដឹកជញ្ជូន ដែលគ្រោងប្រព្រឹត្តនៅថ្ងៃទី២៨ និង ២៩ ខែកុម្ភៈ ខាងមុខនេះ ទីស្តីការក្រសួង៖ នាព្រឹកថ្ងៃព្រហស្បតិ៍ ទី១៥ ខែកុម្ភៈ ឆ្នាំ២០២៤ ឯកឧត្តម វ៉ាស៊ឹម សុរិយា អនុរដ្ឋលេខាធិការ ក្រសួងសាធារណការ និងដឹកជញ្ជូន និងជាអនុគណៈកម្មការសម្របសម្រួលបទអន្តរាគមន៍ បានដឹកនាកិច្ចប្រជុំត្រៀមរៀបចំសម្រាប់ពិធីសន្និបាតបូកសរុបលទ្ធផលការងារឆ្នាំ២០២៣ និងលើកទិសដៅការងារឆ្នាំ២០២៤ របស់ក្រសួង ដោយមានការអញ្ជើញចូលរួមពី ឯកឧត្តម លោក-លោកស្រី ជាអនុប្រធាន សមាជិក-សមាជិកា នៃអនុគណៈកម្មការសម្របសម្រួលបទអន្តរាគមន៍ និងតំណាងមន្ទីរសាធារណការ និងដឹកជញ្ជូន រាជធានី/ខេត្ត ជាច្រើនរូបផ្សេងទៀត។ កិច្ចប្រជុំនេះធ្វើឡើងដើម្បីពិនិត្យពិភាក្សានិងវាយតម្លៃ អំពីវឌ្ឍនភាពនៃការរៀបចំបទអន្តរាគមន៍ របស់អង្គភាពក្រោមឱវាទ សម្រាប់ត្រៀមពិធីសន្និបាតបូកសរុបលទ្ធផលការងារឆ្នាំ២០២៣ និងលើកទិសដៅការងារឆ្នាំ២០២៤ របស់ក្រសួងសាធារណការ និងដឹកជញ្ជូន ខាងមុខនេះ ។ ថ្លែងនាឱកាសនោះ ឯកឧត្តម អនុរដ្ឋលេខាធិការ និងជាអនុប្រធានអនុគណៈកម្មការ បានស្នើឱ្យគ្រប់ផ្នែកពាក់ព័ន្ធ ត្រូវសហការគ្នាឱ្យបានជិតស្និទ្ធ ផ្តល់ព័ត៌មានទៅវិញទៅមកឱ្យបានគ្រប់ជ្រុងជ្រោយ ជាពិសេស ត្រូវអនុវត្តតាមតួនាទី និងភារកិច្ចដែលថ្នាក់ដឹកនាំបានប្រគល់ជូន សំដៅធានាឱ្យការត្រៀមរៀបចំបទអន្តរាគមន៍ ប្រព្រឹត្តទៅបានដោយរលូន តាមផែនការដែលបានគ្រោងទុក៕