វិទ្យាស្ថានតេជោសែន សាធារណការ និងដឹកជញ្ជូន នឹងមានការផ្តល់អាហារូបករណ៍ ១០០% ចំនួន ៥០ កន្លែង និង ៥០% (បេក្ខជននារី) ជាច្រើនកន្លែងទៀត រហូតដល់បញ្ចប់ការសិក្សា តាមរយៈការប្រឡងចូលរៀនជំនាន់ទី៤។ វិទ្យាស្ថានតេជោសែន សាធារណការ និងដឹកជញ្ជូន ជាគ្រឹះស្ថានឧត្តមសិក្សាសាធារណៈឈានមុខគេ ដែលបណ្តុះបណ្តាលធនធានមនុស្សលើវិស័យសាធារណការ និងដឹកជញ្ជូន ប្រកបដោយគុណភាព ការច្នៃប្រឌិត សីលធម៌វិជ្ជាជីវៈ និងទទួលស្គាល់ពីថ្នាក់ជាតិ និងអន្តរជាតិ។ ដើម្បីបំពេញតម្រូវការកង្វះខាតអ្នកបច្ចេកទេសក្នុងវិស័យសាធារណការ និងដឹកជញ្ជូន នៅប្រទេសកម្ពុជា វិទ្យាស្ថានបាននឹងកំពុងជ្រើសរើសនិស្សិតឱ្យចូលសិក្សាថ្នាក់បរិញ្ញាបត្រ និងបរិញ្ញាបត្រ+១ (វិស្វករ) ចំនួន ៣០០នាក់ ក្នុងឆ្នាំសិក្សា២០២៣~២០២៤ ក្នុងនោះផងដែរ វិទ្យាស្ថានផ្តល់អាហារូបករណ៍ ១០០% ចំនួន ៥០ កន្លែង និង ៥០% (នារី) ជាច្រើនកន្លែង ស្របតាមលក្ខខណ្ឌតម្រូវរបស់វិទ្យាស្ថាន។ វិទ្យាស្ថានតេជោសែន សាធារណការ និងដឹកជញ្ជូន ផ្តល់ការបណ្តុះបណ្តាលថ្នាក់បរិញ្ញាបត្រ និងបរិញ្ញាបត្រ+១ (វិស្វករ) លើជំនាញសិក្សាដូចខាងក្រោម៖  ជំនាញសំណង់ផ្លូវថ្នល់ ផ្លូវល្បឿនលឿន ស្ពាន ផ្លូវដែក និងសំណង់កំពង់ផែ  ជំនាញប្រព័ន្ធចម្រោះទឹកកខ្វក់  ជំនាញសេដ្ឋកិច្ច និងគ្រប់គ្រងការដឹកជញ្ជូនផ្លូវគោក  ជំនាញគ្រប់គ្រងភស្តុភារកម្ម និងខ្សែច្រវាក់ផ្គត់ផ្គង់  ជំនាញបើកបរនាវា  ជំនាញម៉ាស៊ីននាវា ដោយឡែកសម្រាប់មុខវិជ្ជានៃការប្រឡងជ្រើសរើសនិស្សិតជំនាន់ទី៤ គឺអាស្រ័យទៅលើជំនាញដែលបានជ្រើស ដូចខាងក្រោម៖ 1. ជំនាញសំណង់ផ្លូវថ្នល់ ផ្លូវល្បឿនលឿន ស្ពាន ផ្លូវដែក និងសំណង់កំពង់ផែ 2. ជំនាញប្រព័ន្ធចម្រោះទឹកកខ្វក់  តម្រូវឆ្លងកាត់ការប្រឡងលើមុខវិជ្ជា ៖ គណិតវិទ្យា រូបវិទ្យា និងភាសាអង់គ្លេស 3. ជំនាញសេដ្ឋកិច្ច និងគ្រប់គ្រងការដឹកជញ្ជូនផ្លូវគោក 4. ជំនាញគ្រប់គ្រងភស្តុភារកម្ម និងខ្សែច្រវាក់ផ្គត់ផ្គង់ 5. ជំនាញបើកបរនាវា 6. ជំនាញម៉ាស៊ីននាវា  តម្រូវឆ្លងកាត់ការប្រឡងលើមុខវិជ្ជា ៖ គណិតវិទ្យា វប្បធម៌ទូទៅ និងភាសាអង់គ្លេស វិទ្យាស្ថានតេជោសែន សាធារណការ និងដឹកជញ្ជូន បានចាប់ផ្តើមបើក និងទទួលពាក្យ ប្រឡងជ្រើសរើសនិស្សិតជំនាន់ទី៤ ! - កាលបរិច្ឆេទទទួលពាក្យ៖ ចាប់ពីថ្ងៃទី៣០ ខែវិច្ឆិកា ឆ្នាំ២០២៣ តទៅ - វេលាម៉ោង ៖ ៨:០០នាទីព្រឹក តទៅ - ទីតាំង ៖ ការិយាល័យសិក្សា ជាន់ផ្ទាល់ដីនៃអគ្គាវិទ្យាស្ថាន - កាលបរិច្ឆេទផុតកំណត់ដាក់ពាក្យ៖ នៅថ្ងៃទី៣១ ខែមករា ឆ្នាំ២០២៤ វេលាម៉ោង៥:០០ល្ងាច - កាលបរិច្ឆេទប្រឡង៖ នៅថ្ងៃទី០៣ ខែកុម្ភៈ ឆ្នាំ២០២៤។ ផែនទីទីតាំងវិទ្យាស្ថាន៖ សម្រាប់ទីតាំងស្ថិតនៅ ផ្លូវ៥៩៨ សង្កាត់ច្រាំងចំរេះ២ ខណ្ឌឬស្សីកែវ រាជធានីភ្នំពេញ នៅជាប់នៅអគារទីស្តីក្រសួងសាធារណការ និងដឹកជញ្ជូន។ សូមជូនផែនទី https://maps.app.goo.gl/v1TmQj3HpsSxAvzJ6 សម្រាប់ព័ត៌មានលម្អិតសូមទាក់ទងស្តីពីការជ្រើសនិស្សិតជំនាន់ទី៤ ចំនួន៣០០នាក់ ឱ្យចូលរៀនថ្នាក់បរិញ្ញាបត្រ និងបរិញ្ញាបត្រ+១ ឆ្នាំសិក្សា២០២៣-២០២៤។ ទូរសព្ទលេខ៖ 098 21 02 21 / 078 21 01 21 Group Telegram ជំនាន់ទី៤៖ https://t.me/tsipwtentrance2024 Channel Telegram វិទ្យាស្ថាន៖ https://t.me/tsipwtofficial គួរបញ្ជាក់ផងដែរថា វិទ្យាស្ថានតេជោសែន សាធារណការ និងដឹកជញ្ជូន នៃក្រសួងសាធារណការ និងដឹកជញ្ជូន ត្រូវបានសម្ពោធដាក់ឱ្យប្រើប្រាស់ជាផ្លូវការក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នីតិកាលទី៦ នៃរដ្ឋសភា នៅថ្ងៃសុក្រ ៩កើត ខែមាឃ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២២ ខែមករា ឆ្នាំ២០២១។