ភ្នំពេញ៖ ក្រសួងសាធារណការ និងដឹកជញ្ជូន បានប្រកាសពីការចេញបណ្ណអនុញ្ញាតបើកបរអន្តរជាតិ ដែលចេញដោយក្រសួងសាធារណការ និងដឹកជញ្ជូន មានសុពលភាព ១ឆ្នាំ បើកបរបាន ១០៣ប្រទេស។ បណ្ណបើកបរអន្តរជាតិនេះ ស្របតាមអនុសញ្ញា ស្តីពី ចរាចរណ៍ផ្លូវគោក ទីក្រុងវីយ៉ែន ថ្ងៃទី១៩ ខែកញ្ញា ឆ្នាំ១៩៤៩។ ក្រសួងសាធារណការ និងដឹកជញ្ជូន ក៏បានប្រកាសអំពាវនាវដល់បងប្អូនប្រជាពលរដ្ឋទាំងអស់ មេត្តាប្រើប្រាស់សេវាសាធារណៈរបស់ក្រសួងសាធារណការ និងដឹកជញ្ជូន នៅតាមបណ្តាទីតាំងផ្តល់សេវា ដែលបានកំណត់ ដោយត្រូវជៀសវាងការប្រើប្រាស់សេវាក្រៅផ្លូវការ ដែលនាំឱ្យខាតបង់ថវិកា ពេលវេលា និងទទួលបានឯកសារក្លែងបន្លំពីជនខិលខូច៕