មន្ទីរពិសោធន៍សំណង់ និងសាធារណការ នៃក្រសួងសាធារណការ និងដឹកជញ្ជូន ផ្តល់ការបណ្ដុះបណ្ដាល (ហ្វឹកហ្វឺន) ជំនាញពិសោធន៍ត្រួតពិនិត្យគុណភាពស្រទាប់ផ្លូវថ្នល់ ដើម្បីពង្រឹងសមត្ថភាពការងារសាងសង់ ជូនកងវិស្វកម្ម នៃក្រសួងការពារជាតិ ភ្នំពេញ៖ បណ្ឌិត លឹម សុខតៃ អគ្គនាយក នៃមន្ទីរពិសោធន៍សំណង់ និងសាធារណការ (មពសស) បានអញ្ជើញចូលរួមជាយោធាចារ្យក្នុងវគ្គបណ្ដុះបណ្ដាល (ហ្វឹកហ្វឺន) រយៈពេល ៣ ថ្ងៃ ចាប់ពីថ្ងៃទី១២ ដល់ទី១៤ ខែមករា ឆ្នាំ២០២៤ លើជំនាញពិសោធន៍ត្រួតពិនិត្យគុណភាពស្រទាប់ផ្លូវថ្នល់ ដល់កងវិស្វកម្ម នៃក្រសួងការពារជាតិ ដោយមានការចូលរួម ពីនាយទាហានវិស្វកម្មចំនួន ៣១ នាក់ ដែលសុទ្ធសឹងជាអ្នកធ្វើការប្រចាំនៅការដ្ឋាននៃគម្រោងស្ថាបនាផ្លូវថ្នល់។ វគ្គបណ្ដុះបណ្ដាលនេះ បានផ្ដល់ឱ្យសិក្ខាកាមនូវចំណេះជំនាញមួយចំនួនដូចជា៖ ១.) ធ្វើពិសោធន៍បឋមលើសម្ភារសម្រាប់ស្ថាបនាផ្លូវ (Preliminary test on materials for road construction) មុននឹងបញ្ជូនមកមន្ទីរពិសោធន៍ ២.) ធ្វើការវាយតម្លៃគុណភាពនៃការបង្ហាប់ស្រទាប់នីមួយៗរបស់ផ្លូវដោយខ្លួនឯង មុននឹងអញ្ជើញទីប្រឹក្សាគម្រោង និងក្រុមការងារមន្ទីរពិសោធន៍សំណង់ និងសាធារណការ (មពសស) ចុះត្រួតពិនិត្យ និងធ្វើការពិសោធន៍ផ្លូវការ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube