ក្រុមការងារមន្ទីរសាធារណការ ចុះជួសជុលថែទាំកំណាត់ផ្លូវជាតិ នៅតាមបណ្ដាខេត្ត ក្រសួងសាធារណការឱ្យដឹងថា នៅថ្ងៃទី៦-៧ មករា ២០២៤ ក្រុមការងារមន្ទីរសាធារណការ និងដឹកជញ្ជូន ខេត្តសៀមរាប បាត់ដំបង កំពង់ស្ពឺ ត្បូងឃ្មុំ កំពត បន្ទាយមានជ័យ កំពង់ធំ មណ្ឌលគីរី កំពង់ចាម ឧត្តរមានជ័យ ប៉ៃលិន ក្រចេះ ព្រៃវែង រតនគិរី កំពង់ឆ្នាំង កែប តាកែវ និង កណ្តាល បានចុះជួសជុលថែទាំលើផ្លូវជាតិនៅតាមបណ្ដាខេត្ត មានដូចជា៖ លេខ២ លេខ៣ លេខ៥ លេខ៦ លេខ៧ លេខ៨ លេខ១១ លេខ២១ លេខ៤៣ លេខ៥៣ លេខ៥៧ លេខ៥៨ លេខ៥៩ លេខ៦៣ លេខ៦៤ លេខ៦៧ លេខ៦៨ លេខ៧៣ លេខ៧៦ លេខ៥៧B២ លេខ២១A លេខ២១B លេខ៣១A លេខ៣៣A លេខ៧៦-៤។ សូមបញ្ជាក់ថា ក្រៅពីការចុះថែទាំលើកំណាត់ផ្លូវជាតិ ផ្លូវខេត្ត នេះ ក្រុមការងារក៏បានធ្វើការជួសជុលលើផ្លូវមួយចំនួនផ្សេងទៀត ដែលរងការខូចក្លាយជាជង្ហុកសំបុកមាន់ ក៏ត្រូវបានចុះអនុវត្តធ្វើជាប្រចាំដើម្បីឱ្យមានភាពល្អប្រសើរ ធ្វើយ៉ាងណាជួយសម្រួលដល់ការធ្វើដំណើររបស់បងប្អូនប្រជាពលរដ្ឋ ឱ្យកាន់តែមានភាពងាយស្រួល និងការដឹកជញ្ជូនទំនិញឆ្លងកាត់ បានចំណេញពេលវេលា ចំណេញថវិកា ព្រមទាំងបង្កើននូវសោភ័ណភាពតាមដងផ្លូវផងដែរ៕