កិច្ចប្រជុំការធ្វើបទបង្ហាញផែនទីបណ្តាញផ្លូវថ្នល់ ឆ្នាំ២០២០ និងការប្រើប្រាស់ Avenza Maps (free offline mapping) សម្រាប់ទិន្នន័យបណ្តាញផ្លូវថ្នល់ ទីស្ដីការក្រសួង៖ នៅរសៀលថ្ងៃទី២៥ ខែធ្នូ ឆ្នាំ២០២៣ ឯកឧត្តម លឹម ស៊ីដេនីន រដ្ឋលេខាធិការ ក្រសួងសាធារណការ និង ដឹកជញ្ជូន បានអញ្ជើញដឹកនាំកិច្ចប្រជុំការធ្វើបទបង្ហាញផែនទីបណ្តាញផ្លូវថ្នល់ ឆ្នាំ២០២០ និងការប្រើប្រាស់ Avenza Maps ដោយមានការចូលរួមពី ឯកឧត្តមជាថ្នាក់ដឹកនាំក្រសួង អគ្គនាយក នាយកដ្ឋានជំនាញ និងប្រធាន អនុប្រធានមន្ទីរសាធារណការ និងដឹកជញ្ជូនរាជធានីខេត្ត។ អង្គប្រជុំបានពិនិត្យមើលនូវរបៀបវារៈ និងបទបង្ហាញ ពាក់ព័ន្ធនឹងសមិទ្ធផលក្នុងវិស័យសាធារណការ និងប្រវត្តិនៃការរៀបចំបណ្តាញផ្លូវថ្នល់ក្នុងទសវត្សរ៍ឆ្នាំ១៩៦០ ២០០០ ២០០៩ ២០១៣ ២០១៦ សេចក្តីព្រាងចុងក្រោយផែនទីបណ្តាញផ្លូវថ្នល់ ឆ្នាំ២០២០ របាយការណ៍បញ្ជីផ្លូវខេត្ត ដែលត្រួតគ្នាជាមួយផ្លូវជនបទ និងដែលមិនទាន់បានឯកភាពគ្នា ការគ្រប់គ្រង និងប្រើប្រាស់កម្មវិធី Avenza Maps។ អង្គប្រជុំក៏បានលើកយកមកពិភាក្សាផងដែរ អំពីការគ្រប់គ្រងដីចំណីផ្លូវ ការដាក់លេខផ្លូវអាស៊ានទៅក្នុងផែនទីបណ្តាញផ្លូវថ្នល់ ទិសដៅអនុវត្តសម្រាប់ថ្ងៃខាងមុខ និងការស្នើសុំគោលការណ៍ពីថ្នាក់ដឹកនាំក្រសួងដើម្បីរៀបចំនីតិវិធី និងវិធានការក្នុងជួបជជែកពិភាក្សាជាមួយក្រសួងអភិវឌ្ឍន៍ជនបទ លើការងារផ្លូវខេត្តដែលត្រួតគ្នាជាមួយផ្លូវជនបទ និងមិនទាន់បានឯកភាពគ្នា។ បន្ថែមពីនេះទៀត អង្គប្រជុំបានស្នើអោយអគ្គនាយកដ្ឋានជំនាញ រួមជាមួយអគ្គនាយកដ្ឋានផែនការ និងគោលនយោបាយ និងវិទ្យាស្ថានតេជោសែន សាធារណការ និងដឹកជញ្ជូន រៀបចំសិក្ខាសាលាផ្សព្វផ្សាយ និងបញ្ជ្រាបការយល់ដឹងអំពីការប្រើប្រាស់បញ្ជីសារពើភ័ណ្ឌ និងបណ្តាញផ្លូវថ្នល់ និងការយលដឹងអំពីរបៀបដាក់លេខផ្លូវថ្នល់ ជូនដល់និស្សិតវិទ្យាស្ថាន ថ្នាក់ដឹកនាំ និងមន្រ្តីរាជការ របស់ក្រសួង៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube