កិច្ចប្រជុំពិភាក្សាលើការរៀបចំ និងគ្រប់គ្រង គម្រោងប្រព័ន្ធទឹកកខ្វក់របស់រដ្ឋបាលរាជធានីភ្នំពេញ និងក្រសួងសាធារណការ និងដឹកជញ្ជូន ដំណាក់កាលទី២ ទីស្តីការក្រសួង៖ កាលពីថ្ងៃ១៤ ខែធ្នូ ឆ្នាំ២០២៣ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំពិភាក្សាការងារជាមួយទីភ្នាក់ងារសហប្រតិបត្តិការអន្តរជាតិជប៉ុន (JICA)ប្រចាំនៅកម្ពុជា តំណាងដោយ លោក Kentaro YOSIDA ប្រធានក្រុមការងារ Detailed Planning Survey Japan International Cooperation Agency (JICA) ដោយមានការចូលរួមពីថ្នាក់ដឹកនាំ និងមន្ត្រីជំនាញគ្រប់អង្គភាពក្រោមឱវាទនៃអគ្គនាយកដ្ឋានប្រព័ន្ធចម្រោះទឹកកខ្វក់ ជាច្រើនរូបទៀត។ គោលបំណងកិច្ចប្រជុំនេះគឺដើម្បីរៀបចំប្រមូលព័ត៌មាន និងទិន្នន័យចាំបាច់សម្រាប់គម្រោងកិច្ចសហប្រតិបត្តិការបច្ចេកទេសថ្មី ការផ្លាស់ប្តូរយោបល់ និងពិភាក្សាលើវិសាលភាពនៃគម្រោងអភិវឌ្ឍន៍សមត្ថភាពក្នុងការគ្រប់គ្រង ប្រព័ន្ធទឹកកខ្វក់របស់រដ្ឋបាលរាជធានីភ្នំពេញ និងក្រសួងសាធារណការ និងដឹកជញ្ជូន ដំណាក់កាលទី២។ នៅក្នុងកិច្ចប្រជុំនេះ អង្គប្រជុំបានឯកភាពក្នុងការពង្រីកនូវវិសាលភាព ស្ថានីយចម្រោះទឹកកខ្វក់ផ្សេងទៀត សម្រាប់ជាគំរូប្រើប្រាស់នៅទូទាំងប្រទេសកម្ពុជា និងពិភាក្សាលើការគ្រប់គ្រង និងកែច្នៃសំណល់ភក់ឡើងវញ (Sludge management) អាចជាចំណែកនៃសោហ៊ុយសម្រាប់ដំណើរការប្រតិបត្តិការប្រព័ន្ធចម្រោះទឹកកខ្វក់ ឬសំណល់ភក់ ដែលអាចនាំឱ្យការកំណត់នៃតម្លៃសម្រាប់ការចំណាយរបស់ប្រជាពលរដ្ឋមានការថយចុះមួយកម្រិតថែមទៀត៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube