កិច្ចប្រជុំប្រចាំខែ របស់គណៈកម្មការអន្តរក្រសួងគ្រប់គ្រងការលក់លេខចុះបញ្ជីរថយន្ត ដឹកនាំដោយ លោកជំទាវរដ្ឋលេខាធិការប្រចាំការ និងជាប្រធានគណៈកម្មការ ទីស្តីការក្រសួង៖ កាលពីរសៀលថ្ងៃចន្ទ ទី១១ ខែធ្នូ ឆ្នាំ២០២៣ លោកជំទាវ កុយ សុដានី រដ្ឋលេខាធិការប្រចាំការ ក្រសួងសាធារណការ និងដឹកជញ្ជូន និងជាប្រធានគណៈកម្មការអន្តរក្រសួងគ្រប់គ្រងការលក់លេខចុះបញ្ជីរថយន្ត បានអញ្ជើញដឹកនាំកិច្ចប្រជុំពិភាក្សា ប្រចាំខែវិច្ឆិកា ឆ្នាំ២០២៣ ស្តីពី “វឌ្ឍនភាពការងាររបស់គណៈកម្មការអន្តរក្រសួងគ្រប់គ្រងការលក់លេខចុះបញ្ជីរថយន្ត” ដោយមានការចូលរួមពី ឯកឧត្តម លោក លោកស្រី ជាអនុប្រធាន ទីប្រឹក្សា​ និងជាសមាជិកគណៈកម្មការអន្តរក្រសួង​ផងដែរ។ កិច្ចប្រជុំនារសៀលនោះ បានលើកយករបាយការណ៍លទ្ធផលការងារ ដែលសមាជិក សមាជិកាគណៈកម្មការអន្តរក្រសួង បានអនុវត្ត១១ខែកន្លងមក ក្នុងឆ្នាំ២០២៣ មកជជែកពិភាក្សា ដើម្បីវិភាគលើបញ្ហាប្រឈម ស្វែងរកដំណោះស្រាយ និងលើកទិសដៅការងារបន្តសម្រាប់ឆ្នាំថ្មី ២០២៤ សំដៅធ្វើឱ្យការងារគ្រប់គ្រងការលក់លេខចុះបញ្ជីរថយន្ត កាន់តែមានភាពប្រសើរឡើង ជាការរួមចំណែកក្នុងការប្រមូលចំណូលជូនជាតិ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube