សិក្ខាសាលាផ្សព្វផ្សាយចំណេះដឹងអំពីនីតិវិធី និងការអនុវត្តការងាររួមគ្នា ដើម្បីឆ្លើយតបទៅនឹងករណីមានឧបទ្ទវហេតុកំពប់ប្រេង ភ្នំពេញ៖នាថ្ងៃទី០៥ ខែធ្នូ ឆ្នាំ២០២៣ នាយកដ្ឋាននាវាជំនួញសមុទ្រ នៃអគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ សហការជាមួយក្រុមហ៊ុន Oil Spill Response Limited (OSRL) បានរៀបចំសិក្ខាសាលា “ផ្សព្វផ្សាយចំណេះដឹងអំពីនីតិវិធី និងការអនុវត្តការងាររួមគ្នា ដើម្បីឆ្លើយតបទៅនឹងករណីមានឧបទ្ទវហេតុកំពប់ប្រេង- Integration Workshop” ក្រោមអធិបតីភាព លោក បុង វុធ្ធី អគ្គនាយករង នៃអគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ។ សិក្ខាសាលានេះមានគោលបំណង បង្ហាញអំពីសារៈសំខាន់ដែលប្រទេសកម្ពុជាបានចូលជាសមាជិករបស់ក្រុមហ៊ុន OSRL ក្នុងការអនុវត្តការងាររួមគ្នា ដើម្បីឆ្លើយតបទៅនឹងការកំពប់ប្រេងនាពេលអនាគត និងផ្សព្វផ្សាយចំណេះដឹងអំពីនីតិវិធីក្នុងការឆ្លើយតបក្នុងករណីមានឧបទ្ទវហេតុប្រេងកំពប់កើតឡើង។ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube