ស្ពានបេតុង ខ្សែកាបកោះនរា ទៅកាន់ទីក្រុងរណបកោះពេជ្រ នឹងត្រូវសម្ពោធដាក់ឲ្យប្រើប្រាស់ជាផ្លូវការនៅថ្ងៃទី១៥ ខែវិច្ឆិកា ឆ្នាំ២០២៣ នាពេលដ៏ខ្លីខាងមុខនេះ។ េនះបើតាមការបញ្ជាក់របស់ លោក កើត ឆែ ក្នុងពេលអញ្ជើញជាអធិបតីភាពសម្ពោធបើកឲ្យដំណើរការអគារពង្រីកបន្ថែមថ្មី ផ្សារទំនើប អ៉ីអនម៉ល ភ្នំពេញ កាលពីថ្ងៃទី៤ ខែវិច្ឆិកា ឆ្នាំ២០២៣ កន្លងទៅ។ លោក កើត ឆែ អភិបាលរងរាជធានីភ្នំពេញ បានបព្ជាក់ថា ស្ពានបេតុងខ្សែកាប្លិ៍តភ្ជាប់ពីតំបន់អភិវឌ្ឍន៍កោះនរា ទៅកាន់ទីក្រុងរណបកោះពេជ្រ នឹងត្រូវសម្ពោធដាក់ឲ្យប្រើប្រាស់ជាផ្លូវការនៅថ្ងៃទី១៥ ខែវិច្ឆិកា ឆ្នាំ២០២៣ខាងមុខនេះ ក្រោមអធិបតីភាពសម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា។ សូមរំលឹកថា ស្ពានខ្សែកាបតភ្ជាប់រវាងតំបន់អភិវឌ្ឍកោះនរា និង តំបន់អភិវឌ្ឍកោះពេជ្រ​ សម្តេចធិបតី ហ៊ុន​ ម៉ាណែត​ អនុញ្ញាតឱ្យប្រើប្រាស់ជាបណ្តោះអាសន្នកាលពីថ្ងៃសុក្រ ទី២០​ ខែតុលា ឆ្នាំ២០២៣ ​ គឺដើម្បីធា​នានូវលំហូរចរាចរណ៍នឹងជួយកាត់បន្ថយការកកស្ទះចរាចរណ៍យ៉ាងច្រើននៅស្ពានព្រះមុនីវង្ស និងស្ពានអាកាសក្បាលថ្នល់ ដែ​ល​អាចធ្វើឱ្យប្រជាពលរ​ដ្ឋចំណេញពេលវេ​លា និងថវិកាក្នុងការធ្វើដំណើរ។ ស្ពានបេតុងខ្សែកាបនេះជាហេដ្ឋារចនាសម្ព័ន្ធមួយដែលធ្វើឱ្យ កោះនរា​នឹង​ក្លាយជា​ទីតាំង​នៅជាប់​ចំណុច​កណ្តាល​រាជធានី-ភ្នំពេញ និង​ផ្លូវជាតិ​លេខ ១ ដែលនឹងវិវត្តខ្លួនទៅជាទីក្រុងរណបថ្មីមួយក្នុងទីក្រុងភ្នំពេញ​។ ​កោះនរា​ស្ថិត​ចំ​ទីតាំង​ល្អ​លើ​គ្រប់​សម្រាប់​ការរស់នៅ ដោយ​មាន​ប្រព័ន្ធ​ហេដ្ឋារចនាសម្ព័ន្ធ​ល្អប្រសើរ និង​នៅជាប់​មាត់ទន្លេ​ដែលមាន​អាកាសធាតុ ​និងបរិស្ថាន​ស្រស់បំព្រង​ ជាពិសេសការ​វិនិយោគ ដែល​ទីផ្សារ​អចលនទ្រព្យ​នៅ​ទីនោះ​នឹងមាន​កំណើន​ខ្ពស់​នៅពេល​អនាគត​បន្ថែមទៀត​។