ភ្នំពេញ៖ លោក ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានអនុញ្ញាតឱ្យលោក W. Patrick Murphy (ដាប៊ែលយូ. ភែទ្រីក ម័រហ្វី) ឯកអគ្គរដ្ឋទូតវិសាមញ្ញ និងពេញសមត្ថភាព នៃសហរដ្ឋអាមេរិក ប្រចាំនៅព្រះរាជាណាចក្រកម្ពុជា ចូលជួបសម្តែងការគួរសម និងពិភាក្សាការងារ​នារសៀលថ្ងៃចន្ទ ទី ២៣ ខែតុលា ឆ្នាំ២០២៣ នៅទីស្តីការក្រសួង។ យោងតាមក្រសួងសាធារណការ ជំនួបនេះ មានគោលបំណង រឹតបន្តឹងចំណងការទូត និងកិច្ចសហប្រតិបត្តិការល្អ រវាងប្រទេសទាំងពីរ ជាពិសេសលើវិស័យសាធារណការ និងដឹកជញ្ជូននៅកម្ពុជា៕