តើអ្នកបញ្ជាយានយន្តគ្រប់ប្រភេទ ត្រូវរក្សាចន្លោះសុវត្ថិភាពបែបណា នៅពេលបត់ស្តាំ ឬឆ្វេង ដើម្បីមិនឱ្យបង្កផល់ប៉ះពាល់ដល់អ្នកដទៃ? នៅពេលបត់ស្តាំ - មុននឹងធ្វើការបត់ស្ដាំ ត្រូវក្រឡេកមើលតាមកញ្ចក់មើលក្រោយ ពិសេស​ តាមកញ្ចក់ខាងស្តាំ ដើម្បីឱ្យដឹងទីតាំងនិងចលនាចរាចរណ៍យាននៅពីខាងក្រោយ - បើគ្មានឧបសគ្គអ្វីទេ ត្រូវធ្វើសញ្ញាប្ដូរទិសខាងស្ដាំ ឱ្យបានចម្ងាយគ្រប់គ្រាន់ពីទីកន្លែងដែលត្រូវបត់ និងបន្ថយល្បឿន ហើយបើកអែបមកស្ដាំ - បើកយឺតៗ ដើម្បីឱ្យអ្នកបើកបរ និងអ្នកដទៃទៀតមានពេលវេលាគ្រប់គ្រាន់ដើម្បីចៀសវាងគ្រោះថ្នាក់ - មិនត្រូវបើកបរអែបមកខាងស្តាំ ដែលធ្វើឱ្យរំខានយានជំនិះដែលបត់ស្តាំ។ នៅពេលបត់ឆ្វេង - មុននឹងធ្វើការបត់ឆ្វេង ត្រូវក្រឡេកមើលក្រោយតាមកញ្ចក់មើលក្រោយ ពិសេសតាមកញ្ចក់ខាងឆ្វេង ដើម្បីឱ្យដឹងទីតាំងនិងចលនាចរាចរណ៍នៅពីខាងក្រោយ - ត្រូវបើកបរទៅដល់ចំណុចកណ្ដាលនៃផ្លូវ ប្រសព្វ មុនពេលចាប់ផ្តើមបត់ឆ្វេង។ - ប្រសិនបើបត់ឆាប់ពេក ធ្វើឱ្យជ្រុងខាងឆ្វេងនៃរថយន្តរបស់អ្នកអាចប៉ះយានយន្តមួយផ្សេងទៀត - ប្រសិនបើផ្លូវមានពីរគន្លងសម្រាប់បត់ឆ្វេង ត្រូវជ្រើសរើសយកគន្លងខាងស្តាំ ចាប់ផ្តើមបត់ឆ្វេងនៅ គន្លងខាងក្នុង អាចឱ្យរថយន្តអ្នកយោកទៅស្ដាំនៅពេលបត់ អ្នកបើកបរនៅខាងឆ្វេងអ្នកអាចមើល ឃើញងាយស្រួល។ ឈ្វេងយល់ពីច្បាប់ចរាចរណ៍ផ្លូវគោក ដើម្បីជាការចូលរួមចំណែកកាត់បន្ថយការកកស្ទះចរាចរណ៍ និងជួយទប់ស្កាត់គ្រោះថ្នាក់ចៃដន្យ :: ទាញយក និងដំឡើងកម្មវិធី Cambodia Driving Rules ឥតគិតថ្លៃ ដើម្បីទទួលបានចំណេះដឹងល្អៗ ពីទ្រឹស្តីនៃការបើកបរ នៃច្បាប់ចរាចរណ៍ផ្លូវគោក៖ - App Store (iOS): http://dr.mpwt.gov.kh/ios - Play Store (Android): http://dr.mpwt.gov.kh/android :: ច្បាប់ស្តីពីចរាចរណ៍ផ្លូវគោក LAW ON ROAD TRAFFIC តំណភ្ជាប់៖ https://www.mpwt.gov.kh/kh/documents/laws/85 :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន (MPWT) ៖ - Facebook: https://www.facebook.com/mpwt.gov.kh/posts - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube