[Kampucheathmey] - បង្ហើបផែនការការងារ ១០០ ថ្ងៃ រដ្ឋមន្រ្តីថ្មីក្រសួងសាធារណការ និងដឹកជញ្ជូន
2023-09-27
ទៅកាន់ទំព័រចុះផ្សាយក្នុង Kampucheathmey
ក្នុងជំនួបពិភាក្សាការងារជាមួយគណៈប្រតិភូស្ថានទូតជប៉ុនប្រចាំកម្ពុជាកាលពីពេលថ្មីៗនេះ លោកជំទាវ កុយ សុដានី រដ្ឋលេខាធិការប្រចាំការក្រសួងសាធារណការ និងដឹកជញ្ជូនបានជម្រាបជូនអំពីគម្រោងផែនការសកម្មភាពការងាររបស់រដ្ឋមន្ត្រីក្រសួងសាធារណការក្នុងរយៈពេល ១០០ ថ្ងៃ ក្នុងនោះរួមមានការត្រៀមសម្ពោធដាក់ឲ្យប្រើប្រាស់កំណាត់ផ្លូវជាតិលេខ ៥ ទស្សនកិច្ចផ្លូវល្បឿនលឿនភ្នំពេញ-បាវិត និងច្រកទ្វារព្រំដែនបាវិត និងចុះសួរសុខទុក្ខមន្រ្តីរាជការរាជធានី-ខេត្ត។លោក ប៉េង ពោធិ៍នា ជាមន្រ្តីបន្តវេនក្នុងរដ្ឋាភិបាលនីតិកាលទី ៧ ដែលទទួលបានការតែងតាំងជារដ្ឋមន្ត្រីក្រសួងសាធារណការ និងដឹកជញ្ជូនជំនួសលោក ស៊ុន ចាន់ថុល។មុនទទួលតំណែងដឹកនាំការងារនៅក្រសួងសាធារណការនិងដឹកជញ្ជូន លោកធ្លាប់បម្រើការងារជាមន្រ្តីនៅទីស្តីការគណៈរដ្ឋមន្រ្តី ជាជំនួយការផ្ទាល់សម្តេចវិបុលបញ្ញា សុខ អាន។ រដ្ឋមន្រ្តីថ្មីវ័យក្មេងរូបនេះជាបញ្ញវន្តមួយរូប ដែលទទួលបានការអប់រំជ្រៅជ្រះដោយបានបញ្ចប់ការសិក្សាពីប្រទេសកាណាដា៕
