ដ្ឋបាលខេត្តព្រះសីហនុបានប្រកាសថា គិតត្រឹមម៉ោង០៩ និង៣០នាទីព្រឹកថ្ងៃទី ២៧ ខែកញ្ញា ឆ្នាំ ២០២៣ កម្ពស់ទឹកភ្លៀងបានជន់ឡើងដល់០.៦ម៉ែត្រ ធ្វើឱ្យលិចកំណាត់ផ្លូវជាតិលេខ ៤ នៅចន្លោះគីឡូម៉ែត្រលេខ១៥៣ និង១៥៤ ប្រវែង ១២០ ម៉ែត្រតាមបណ្តោយផ្លូវជាតិលេខ៤ ស្ថិតភូមិស្ទឹងឆាយខាងត្បូង ឃុំស្ទឹងឆាយ ស្រុកកំពង់សីលា។ ស្ថានភាពនេះ មិនអាចអនុញ្ញាតិឱ្យរថយន្តគ្រប់ប្រភេទធ្វើដំណើរឆ្លងកាត់ទីតាំងនេះបានទេ ដើម្បីធានាដល់សុវត្ថិភាពក្នុងការធ្វើដំណើរ រដ្ឋបាលខេត្តសូមធ្វើការផ្អាកចរាចរណ៍នៅត្រង់ទីតាំងខាងលើជាបណ្តោះអាសន្នសិន។ រដ្ឋបាលខេត្តក៏ប្រាប់ឱ្យសាធារណជន និងបងប្អូនប្រជាពលរដ្ឋ រកផ្លូវវៀងជាបណ្តោះអាសន្នសិន ឬអាចប្រើប្រាស់ផ្លូវល្បឿនលឿន។