ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន អញ្ជើញពិនិត្យការដ្ឋានគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ (WaSSIP)នៅក្រុងសៀមរាប នៅថ្ងៃទី១៥ ខែកញ្ញា ឆ្នាំ២០២៣។ គម្រោងលើកកម្ពស់ការផ្គត់ផ្គង់ទឹកស្អាត និងអនាម័យ (WaSSIP)នៅក្រុងសៀមរាប គឺជាកិច្ចខិតខំប្រឹងប្រែងរបស់រាជរដ្ឋាភិបាល និងដៃគូអភិវឌ្ឍន៍បង្កើនចំនួនការតភ្ជាប់បណ្តាញលូខ្នែង និងលូខ្នែងរង ក្នុងតំបន់គោលដៅចំនួន០៤សង្កាត់ ក្នុងក្រុងសៀមរាប កែលម្អស្ថានីយបូមទឹកកខ្វក់ និងស្ថានីយប្រព្រឹត្តកម្មទឹកកខ្វក់។ គួរបញ្ជាក់ថា គម្រោងនេះ បានទទួលហិរញ្ញប្បទានពីធនាគារពិភពលោក (World Bank) ក្នុងទំហំថវិកាសរុប ២៥,៥ លានដុល្លារអាមេរិក រួមទាំងថវិកាបដិភាគរបស់រាជរដ្ឋាភិបាលចំនួន ១លានដុល្លារអាមេរិកផងដែរ។ ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន (MPWT) ៖ - Facebook: https://www.facebook.com/mpwt.gov.kh/posts - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube