ភ្នំពេញ៖ លោក ហឿន សំនៀង នាយកវិទ្យាស្ថានតេជោសែន សាធារណការ និងដឹកជញ្ជូនកាល ពីថ្ងៃទី១២ ខែកញ្ញា បានអញ្ជើញបើកអង្គសិក្ខា សាលា ពិនិត្យលើសេចក្ដីព្រាង កម្មវិធីបណ្ដុះបណ្ដាល និងកម្មវិធីបណ្ដុះបណ្ដាលសាក ល្បង នៃគម្រោងកសាងសមត្ថភាព​ស្ដីពីវីធីសាស្រ្តថែទាំផ្លូវថ្នល់ ដើម្បីលើកកម្ពស់ហេដ្ឋា រចនាសម្ព័ន្ធ ប្រកបដោយចីរភាព នៅបណ្ដាប្រទេសកម្ពុជា-ឡាវ-វៀតណាម។ សិក្ខាសាលានេះ មានការចូលរួមពីថ្នាក់ដឹកនាំ និងមន្រ្តី នៃមន្ទីរសាធារណការ និង ដឹកជញ្ជូន រាជធានី-ខេត្ត ក្រុមប្រឹក្សាគម្រោងតំណាង​វិទ្យាស្ថានមេគង្គ នៃព្រះរាជាណា ចក្រថៃ តំណាងក្រសួងដឹកជញ្ជូន នៃប្រទេសវៀតណាម និងក្រសួងសាធារណការ និងដឹកជញ្ជូន នៃប្រទេសឡាវ ព្រមទាំងសិក្ខាកាមចូលរួម ប្រមាណជាង ៦០ នាក់។ លោកនាយកវិទ្យាស្ថាន បានថ្លែងថាៈ ក្រុមការងាររបស់វិទ្យាស្ថាន បានខិតខំប្រឹងប្រែង បំពេញការងារយ៉ាងសកម្ម ទាំងការងារស្នូល និងការស្វែងរកកិច្ចសហការ គាំទ្រពីដៃគូ ជាតិ និងអន្តរជាតិ ក្នុងគោលដៅឆ្ពោះទៅរកចក្ខុវិស័យរួម នោះគឺ “ការកសាង និងពង្រឹង ធនធា​មនុស្ស​ក្នុងវិស័យសាធារណការ និងដឹកជញ្ជូន”។ តាមរយៈសិក្ខាសាលានេះ គឺជាសក្ខីភាពនៃសមិទ្ធផលថ្មីមួយទៀតដែលនឹងឈានឆ្ពោះទៅការរៀបចំវគ្គបណ្តុះ បណ្តាលបច្ចេកទេស ស្តីពីវិធីសាស្រ្តថែទាំផ្លូវ-ថ្នល់ មិនសម្រាប់តែប្រទេសកម្ពុជា ប៉ុណ្ណោះទេ ប៉ុន្តែសម្រាប់ប្រទេសវៀតណាម និងឡាវ ផងដែរ។ លោកបានបន្ថែមថា៖ សិក្ខាសាលា ត្រូវការជាចាំបាច់នូវការចូលរួមចំណែកពីភាគី ពាក់ព័ន្ធ ក្នុងការជួយពិនិត្យផ្ទៀងផ្ទាត់ ផ្តល់ធាតុចូល និងយោបល់បន្ថែមទៅលើលទ្ធផល នៃការរៀបចំកម្មវិធីបណ្តុះបណ្តាល ដើម្បីកែលម្អឱ្យការរៀបចំវគ្គបណ្តុះបណ្ដាលជូនដល់ សិក្ខាកាម គោលដៅនៃគម្រោងនេះ កាន់តែល្អប្រសើរឡើង និងមានលក្ខណៈគ្រប់ជ្រុង ជ្រោយ ព្រមទាំងផ្តល់ឱកាសដល់ប្រទេសទាំងបី ដើម្បីសិក្សាពីគ្នាទៅវិញទៅមក។ លោកក៏បានថ្លែងអំណរគុណ ដល់មូលនិធិ ក្នុងក្របខណ្ឌកិច្ចសហប្រតិបត្តិការមេគង្គ-កូរ៉េ (MKCF) និងវិទ្យាស្ថានមេគង្គ (Mekong Institute) ដែលបានផ្តល់ឱកាស ក្នុងការពិនិត្យ និងការវាយតម្លៃ ប្រកបដោយសុក្រឹតភាព និងបានជ្រើសរើសគម្រោង ស្នើសុំ របស់វិទ្យាស្ថានតេជោសែន សាធារណការ និងដឹកជញ្ជូន នេះឡើង៕