[ទីស្តីការក្រសួង ថ្ងៃទី២៨ ខែសីហា ឆ្នាំ២០២៣] ៖ ជាមួយនឹងបរិយាកាសរីករាយស្និទ្ធស្នាល ប្រកបដោយកិច្ចសហប្រតិបត្តិការខ្ពស់ ជំនួបសម្តែងការគួរសម និងពិភាក្សាការងាររវាង ឯកឧត្តម ប៉េង ពោធិ៍នា រដ្ឋមន្ត្រី ជាមួយ ឯកឧត្តម Justin Whyatt ឯកអគ្គរដ្ឋទូតអូស្ត្រាលី ប្រចាំនៅព្រះរាជាណាចក្រកម្ពុជា អមដោយសហការី ត្រូវបានប្រព្រឹត្តឡើងនារសៀលថ្ងៃចន្ទ ទី២៨ ខែសីហា ឆ្នាំ២០២៣ ដោយមានការអញ្ជើញចូលរួមផងដែរពីសំណាក់ ឯកឧត្តម លោកជំទាវ ជាថ្នាក់ដឹកនាំ និងមន្ត្រីពាក់ព័ន្ធ។ ជាការឆ្លើយតបទៅនឹងការស្វាគមន៍យ៉ាងកក់ក្តៅ ឯកឧត្តម Justin Whyatt ឯកអគ្គរដ្ឋទូត បានសម្តែងនូវសេចក្តីសោមនស្សរីករាយ និងចូលរួមអបអរសាទរយ៉ាងក្រៃលែងជូនចំពោះ ឯកឧត្តមរដ្ឋមន្ត្រី ក្នុងឱកាសដែលឯកឧត្តមទទួលបាននូវទំនុកចិត្តពីប្រមុខរាជរដ្ឋាភិបាល ក្នុងមុខតំណែងដ៏ឧត្តុង្គឧត្តមនេះ។ ឯកឧត្តមឯកអគ្គរដ្ឋទូត បានបន្ថែមថា ជាមួយនឹងការរៀបចំរាជរដ្ឋាភិបាលសម្រាប់នីតិកាលថ្មី ភាគីអូស្ត្រាលីនៅតែមានគោលជំហរបន្តកិច្ចសហប្រត្តិបត្តិការល្អៗ ក្នុង បន្ថែមទៀត ដោយផ្តោតសំខាន់លើ ការបន្តអភិវឌ្ឍលើការងារគ្រប់គ្រងទឹកកខ្វក់ វិស័យ និងខ្សែច្រវាក់ផ្គត់ផ្គង់ត្រជាក់ (Cold Chain)។ ក្នុងនាមថ្នាក់ដឹកនាំក្រសួង ឯកឧត្តមរដ្ឋមន្ត្រី បានថ្លែងអំណរគុណយ៉ាងជ្រាលជ្រៅ ចំពោះរដ្ឋាភិបាលអូស្ត្រាលី តាមរយៈឯកឧត្តមឯកអគ្គរដ្ឋទូត សម្រាប់ជំនួយគាំទ្រតាំងពីដើមរៀងមក ជាពិសេសជំនួយបច្ចេកទេសដល់ តាមរយៈកម្មវិធី ភាពជាដៃគូសម្រាប់ហេដ្ឋារចនាសម្ព័ន្ធថ្នល់ (P4I) និង AustRoads។ ឯកឧត្តម មានជំនឿយ៉ាងមុតមាំថាតាមរយៈជំនួយ និងកិច្ចសហប្រតិបត្តិការល្អរវាងប្រទេសទាំងពីរ ជាពិសេសលើវិស័យហេដ្ឋារចនាសម្ព័ន្ធថ្នល់ នឹងនាំមកនូវការអភិវឌ្ឍក្នុងវិស័យនេះ ស្របតាមយុទ្ធសាស្រ្តបញ្ចកោណ-ដំណាក់កាលទី១ ដែលបានកំណត់យកអាទិភាពគន្លឹះ ៥ គឺ ៖ មនុស្ស ទឹក ភ្លើង និងបច្ចេកវិទ្យា។ សូមជម្រាបផងដែរថា បន្ទាប់ពីជំនួបសម្តែងការគួរសម និងពិភាក្សាការងារនេះ ឯកឧត្តមរដ្ឋមន្ត្រី ជាមួយនិង ឯកឧត្តមឯកអគ្គរដ្ឋទូត បានអញ្ជើញបន្តដំណើរចូលរួមជាអធិបតី ក្នុងពិធីបើកសិក្ខាសាលាពិគ្រោះយោបល់ ស្តីពីបទដ្ឋានឌីហ្សាញកម្រាល ដែលត្រូវបានរៀបចំឡើងដើម្បីពិនិត្យមើលឡើងវិញនូវការងារដែលបានអនុវត្តកន្លងមក និងចែករំលែកបទពិសោធន៍ក្នុងការឌីហ្សាញ និងការសាងសង់ ក្នុងវិស័យហេដ្ឋារចនាសម្ព័ន្ធថ្នល់៕