ភ្នំពេញ៖ គ្រូឯកទេសមកពីប្រទេសចិន បានមកជួយអ្នកបច្ចេកទេស កម្ពុជា​ ក្នុងការបណ្តុះបណ្ដាលជំនាញបច្ចេកទេស ស្ដីពីការប្រើប្រាស់ម៉ាស៊ីនត្រួតពិនិត្យ គុណភាពផ្លូវ (FWD Calibration and Ground Penetration Radar) ។ ប្រភពក្រសួងសាធារណការ បានឱ្យដឹងថា៖ វគ្គបណ្ដុះបណ្ដាល នាថ្ងៃទី២៥ ខែកក្កដានេះ រៀបចំឡើងក្នុងគោលបំណង ដើម្បីដោះស្រាយបញ្ហាប្រឈមទាក់ទងនឹងការប្រើប្រាស់ ម៉ាស៊ីនត្រួតពិនិត្យគុណភាពផ្លូវថ្នល់ ប្រកបដោយប្រសិទ្ធភាព ជាពិសេស ដើម្បីពង្រឹង និងពង្រីកសមត្ថភាពរបស់មន្ត្រី ឱ្យយល់ដឹងកាន់តែ​ច្បាស់ថែមទៀត ក្នុងការត្រួតពិនិត្យ លក្ខណៈបច្ចេកទេសផ្លូវថ្នល់ ស្របតាមតម្រូវការស្ថានភាព បច្ចុប្បន្នរបស់កម្ពុជា។ លោក យិត បុណ្ណា រដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញជា អធិបតី ក្នុងកម្មវិធីបើកវគ្គបណ្ដុះបណ្ដាលនេះ ដែលមានគ្រូឯកទេស មកពីប្រទេសចិន ក្រុមការងារបច្ចេកទេស TBT ជំនាញបច្ចេកទេស ស្ដីពីការប្រើប្រាស់ម៉ាស៊ីនត្រួតពិនិត្យ គុណភាពផ្លូវ (FWD Calibration and Ground Penetration Radar) រៀបចំដោយក្រុមការងារបច្ចេកទេស TBT មកពីប្រទេសចិន និងមន្ត្រីបច្ចេកទេស ក្រសួងសាធារណការ៕