ក្នុងថ្ងៃទីពីរ នៃយុទ្ធនាការឃោសនារកសម្លេងឆ្នោត សម្រាប់ការបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ ដែលត្រូវជាថ្ងៃឧបោសថសីល ថ្ងៃអាទិត្យ ១៥កើត ខែបឋមាសាឍ ឆ្នាំថោះ បញ្ចស័ក ព.ស២៥៦៧ ត្រូវនឹងថ្ងៃទី០២ ខែកក្កដា ឆ្នាំ២០២៣ ឯកឧត្តមទេសរដ្ឋមន្ត្រី ស៊ុន ចាន់ថុល ប្រធានគណៈអចិន្ត្រៃយ៍ក្រុមការងារគណបក្សចុះមូលដ្ឋានស្រុកកោះធំ ខេត្តកណ្តាល បានអញ្ជើញដឹកនាំសមាជិក សមាជិកាក្រុមការងារគណបក្ស នាំយកនូវទេយ្យវត្ថុ ទៅវេរប្រគេនចំពោះព្រះសង្ឃ ដែលគង់នៅទីអារាមចំនួន ០៣ ក្នុងស្រុកកោះធំ រួមមាន៖ វត្តព្រែកឌួង វត្តសំប៉ាន និងវត្តព្រែកស្តី។ ក្នុងឱកាសនេះ ឯកឧត្តមប្រធានគណៈអចិន្ត្រៃយ៍ ក៏បានអញ្ជើញជួបសំណេះសំណាល សាកសួរសុខទុក្ខ បងប្អូនប្រជាពលរដ្ឋក្នុងមូលដ្ឋានសរុបប្រមាណ ១០០០ នាក់ផងដែរ។