ក្រសួងសាធារណការ៖ គម្រោងកំពង់ផែទេសចរណ៍ និងទំនិញរាយ ដងទង់ ជាចំណែកមួយក្នុងការតភ្ជាប់ និងភាពសម្បូរបែបនៃ ហេដ្ឋរចនាសម្ព័ន្ធផ្លូវសមុទ្រ នៅក្នុងខេត្តតំបន់ឆ្នេរទាំង៤ នៅថ្ងៃទី ២៦ មិថុនា ២០២៣នេះ ក្រសួងសាធារណការ និងដឹកជញ្ជូន បានពន្យល់ ពីគម្រោងកំពង់ផែដងទង់ ក្រុងខេមរភូមិន្ទ ខេត្តកោះកុងថា៖ - គម្រោងសាងសង់ ត្រូវបានចែកចេញជា២ជំហាន ដោយមានបណ្តោយកំពង់ផែប្រវែង៖ ១១៥ម៉ែត្រ និងទទឹងកំពង់ផែប្រវែង៖ ១៦,៥០ម៉ែត្រ ក្នុងនោះមានជម្រៅទឹក ពី ៤ម៉ែត្រ ទៅ ៨ម៉ែត្រ ។ - លទ្ធភាពកំពង់ផែ៖ ឱ្យនាវាផ្ទុកទំនិញទម្ងន់២០០០តោន អាចចូលចតបាន - បញ្ចូលនូវហេដ្ឋារចនាសម្ព័ន្ធ រួមមាន៖ ស្ពានបេតុងភ្ជាប់ទៅផែ ផ្លូវបេតុងចេញចូលផែ អគារអ្នកដំណើររង់ចាំ អគាររដ្ឋបាល បន្ទប់ទឹកសាធារណៈ ប្រព័ន្ធលូ របង និងខ្លោងទ្វារ - បើកឱ្យប្រើប្រាស់ជាផ្លូវកា៖ ២៣/មិថុនា/២០២៣ - ទំហំទឹកប្រាក់គម្រោង៖ ១២.៨៩៧.០០០.០០០រៀល (ដប់ពីរពាន់លាន ប្រាំបីរយកៅសិបប្រាំពីរលានរៀលគត់) - សាងសង់ដោយ៖ ស្ថាបត្យកម្មថ្មីមួយដែលកើតចេញពីស្នាដៃកូនខ្មែរពិតៗ គម្រោងកំពង់ផែទេសចរណ៍ និងទំនិញរាយ ដងទង់នេះ ជាចំណែកមួយក្នុងការតភ្ជាប់ និងភាពសម្បូរបែបនៃ ហេដ្ឋរចនាសម្ព័ន្ធផ្លូវសមុទ្រ នៅក្នុងខេត្តតំបន់ឆ្នេរទាំង៤ នៃព្រះរាជាណាចក្រកម្ពុជា ក៏ដូចជាលើកកម្ពស់កំណើនសេដ្ឋកិច្ចប្រកបដោយបរិយាបន្ន នៅក្នុងប្រទេសជាប់សមុទ្រទាំងបី នៃមហាអនុតំបន់មេគង្គ រួមមាន កម្ពុជា ថៃ និងវៀតណាម។ ការកសាងហេដ្ឋរចនាសម្ព័ន្ធកំពង់ផែនេះ ធ្វើឡើងក្នុងគោលបំណងសម្រួលការដឹកជញ្ជូនទំនិញ អ្នកដំណើរ អ្នកទេសចរណ៍ នៅតាមតំបន់ឆ្នេរសមុទ្រ ប្រកបដោយសុវត្ថិភាព និងប្រសិទ្ធិភាព៕