ឧត្តរមានជ័យ: ផ្លូវក្រាលកៅស៊ូមួយខ្សែរនៅ២ភូមិ​គឺភូមិអូរក្រវ៉ាន់នឹងភូមិដូនកែនសែនជ័យ សង្កាត់សំរោង ក្រុងសំរោង ខេត្តឧត្តរមានជ័យ ត្រូវបានជួសជុលនិងប្រែក្លាយជាផ្លូវបេតុងជំនួស ។ អនុភូមិអូរក្រវ៉ាន់ បានអោយដឹងកាលពីថ្ងៃទី១៨ខែឧសភាថា ផ្លូវចាស់ក្រាលកៅស៊ូមួយខ្សែរដែលតភ្ជាប់ពីភូមិអូរក្រវ៉ាន់ទៅភូមិដូនកែនសែនជ័យមានប្រវេងជាង១.៣០០ម៉ែត្រនេះបានខូចខាត វាបង្កការលំបាកខ្លាំងដល់ការប្រើប្រាសឬធ្វើដំណើរក្នុងដើមរដូវវស្សានេះដោយសាផ្លូវមានជង្ហុកធំ ដក់ទឹក ដីរអឹលនិងស្អិត ។ លោកបានបន្តថា ដោយឃើញស្ថានភាពបានេះ បច្ចុប្បន្នត្រូវបានអាជ្ញាធរមានសមត្ថកិច្ចធ្វើការជួសជុលដោយប្តូរមកចាក់ក្រាលបេតុងជំនួសផ្លូវកៅស៊ូវិញ ព្រោះវាងាយធ្វើ. ហើយសង្ឃឹមថាវានឹងធានាការជាប់ធន់និងបានយូរអង្វែងផង ។ លោក អ៊ុន សុភ័ក្រ អភិបាលរងខេត្តនិងជាអ្នកនាំពាក្យរបស់រដ្ឋបាលខេត្តឧត្តរមានជ័យបានប្រាប់ថា ដោយមើលឃើញពីការលំបាកដូច្នេះហើយទើបអាជ្ញាធរខេត្តបានខិតខំរិះរកគ្រប់មធ្យោបាយដើម្បីធ្វើការជួសជុលផ្លូវក្រាលកៅស៊ូមួយខ្សែរនេះប្តូរចាក់ក្រាលផ្លូវប្រភេទបេតុង។ លោកអភិបាលរងបានឲ្យដឹងទៀតថា នេះហើយគឺជាការយកចិត្តទុកដាក់គិតគូខ្ពស់ពីរាជរដ្ឋាភិបាលនិងអាជ្ញាធរខេត្តចំពោះបញ្ហាប្រឈមនានារបស់ប្រជាពលរដ្ឋក្នុងមូលដ្ឋានផងដែរ៕