លោក ឈួន វិន អញ្ជើញដឹកនាំកិច្ចប្រជុំបូកសរុបលទ្ធផលការងារប្រចាំឆ្នាំ២០២២​ និងទិសដៅការងារឆ្នាំ២០២៣ របស់ ក្រុមការងារ ស.ស.យ.ក វិស័យសាធារណការ និងដឹកជញ្ជូន នាព្រឹកថ្ងៃសុក្រ ៨ រោច ខែពិសាខ ឆ្នាំថោះ បញ្ចស័ក ព.ស ២៥៦៧​ ត្រូវនឹងថ្ងៃទី១២ ខែឧសភា ឆ្នាំ២០២៣ លោក ឈួន វិន ប្រធានក្រុមការងារ ស.ស.យ.ក. វិស័យសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំបូកសរុបលទ្ធផលការងារ ស.ស.យ.ក ប្រចាំឆ្នាំ២០២២ និងទិសដៅឆ្នាំ២០២៣​ ដោយមានការចូលរួមពី លោក លោកស្រី អនុប្រធាន សមាជិក សមាជិកា ក្រុមការងារវិស័យ សរុបប្រមាណ១៥០នាក់។ អង្គប្រជុំបានមូលមតិគ្នាសម្រេចជាឯកច្ឆ័ន្ទ អនុម័តលើរបាយការណ៍បូកសរុបលទ្ធផលការងារប្រចាំឆ្នាំ២០២២ និងទិសដៅការងារឆ្នាំ២០២៣​ របស់ ស.ស.យ.ក វិស័យសាធារណការ និងដឹកជញ្ជូន។ ក្នុងនោះផងដែរ មាន​ការចែករំលែកបទពិសោធន៍ការងារ និងចូលរួមមតិយោបល់ ស្តីពីលទ្ធផលការងារដែលសម្រេចបាន ភាពខ្លាំង បញ្ហាប្រឈម និងទិសដៅបន្ត របស់ក្រុម និងផ្នែកនីមួយៗដោយ លោក លោកស្រី ប្រធាន អនុប្រធានផ្នែក សមាជិក សមាជិកា ក្រុមការងារទាំងអស់។ ជាមួយគ្នានោះ ថ្នាក់ដឹកនាំក្រុមការងារ ស.ស.យ.ក. វិស័យសាធារណការ និងដឹកជញ្ជូន បានប្រគល់សេចក្តីសម្រេច​ ​ស្តីពីការទួលស្គាល់សមាសភាពបំពេញបន្ថែម​ក្រុមការងារ​ ព្រមទាំងប្រគល់លិខិតសរសេីរ​ ជូនចំពោះសមាជិក​ សមាជិកា ដែលសកម្មនឹងការងារក្នុងពេលកន្លងមកផងដែរ។ មុននឹងបញ្ចប់កិច្ចប្រជុំ លោកប្រធានក្រុមការងារ បានធ្វើការថ្លែងអំណរគុណដល់ ថ្នាក់ដឹកនាំ សមាជិក សមាជិកាក្រុមការងារទាំងអស់ ដែលបានអញ្ជើញចូលរួមក្នុងកិច្ចប្រជុំបូកសរុបលទ្ធផលការងារ ស.ស.យ.ក ប្រចាំឆ្នាំ២០២២​ និងទិសដៅឆ្នាំ២០២៣ ហើយបានលើកទឹកចិត្ត និងជំរុញឱ្យសមាជិក សមាជិកាទាំងអស់ បន្តការគាំទ្រ​ និងចូលរួមគ្រប់កម្មវិធី​ រឺសកម្មភាពផ្សេងៗក្នុងវិស័យសាធារណការ​ និងដឹកជញ្ជូន​ ៕