កំណាត់ផ្លូវជាតិលេខ៩៤ពីឧទ្យានជាតិតេជោសែនឬស្សីត្រឹប ទៅព្រំដែនឡាវ ប្រវែងជាង៥០គីឡូម៉ែត្រ ត្រូវបានថែទាំឡើងវិញ ថ្ងៃព្រហស្បតិ៍ ទី៣០ ខែមីនា ឆ្នាំ២០២៣ ក្រុមការងារថែទាំផ្លូវថ្នល់​ នៃមន្ទីរសាធារណការ និងដឹកជញ្ជូនខេត្តព្រះវិហារ បានធ្វើការ​ ជួសជុល​ ថែទាំ កំណាត់ផ្លូវជាតិលេខ៩៤ ប្រវែង ៥៤,៩០គីឡូម៉ែត្រ ចាប់ពី ឧទ្យានជាតិតេជោសែនឫស្សីត្រឹប ដល់ ឃុំកំពង់ស្រឡៅមួយ(ព្រំប្រទល់ កម្ពុជា-ឡាវ)។ដោយធ្វើការ កៀរសម្រួល ស្រោចទឹក កិនបង្ហាប់ ដើម្បីសម្រួលការធ្វើដំណើររបស់ប្រជាពលរដ្ឋ។ ផ្លូវនេះគួរបញ្ជាក់ផងដែរថា កំណាត់ផ្លូវនេះ ជាខ្សែរផ្លូវដែលតភ្ជាប់ពី ផ្លូវជាតិលេខ៩(ទីប្រជុំជនស្រុកឆែប) ឆ្ពោះទៅកាន់រមណីយដ្ឋានទឹកធ្លាក់ព្រះនិម្មិត ដែលជាតំបន់អេកូរទេសចរណ៍មួយ ជាប់ព្រំដែន កម្ពុជា-ឡាវ។​