លោក ងួន រតនៈ អភិបាលខេត្តកំពង់ធំ នៅថ្ងៃទី ១៥ ខែមីនា ឆ្នាំ ២០២៣នេះ បានអញ្ជើញបើកការដ្ឋានសាងសង់កៅស៊ូ DBST ចំនួន១ខ្សែ ប្រវែង ២,០២០ ម៉ែត្រ ដែលជាគម្រោងរបស់រដ្ឋបាលខេត្តកំពង់ធំ ស្ថិតនៅ ភូមិ បល្ល័ង្គលិច សង្កាត់ដំរីជាន់ខ្លា ក្រុងស្ទឹងសែន ខេត្តកំពង់ធំ។ លោកអភិបាលខេត្តថ្លែងថា ការអភិវឌ្ឍនេះ គឺជាជំហ៊ាននៃការកែលម្អបន្ថែមពី ក្រួសក្រហម មកកៅស៊ូ ដេីម្បី​សម្រួលដល់ការធ្វេីដំណេីររបស់ប្រជាពលរដ្ឋកាន់តែងាយស្រួល ហេីយក៏ជាការចូលរួមពង្រីកក្រុងស្ទឹងសែនឲ្យកាន់តែធំទូលាយ។ ក្នុងឆ្នាំ២០២៣នេះរដ្ឋបាលខេត្តបានផ្តល់គម្រោងដល់រដ្ឋបាលក្រុងស្ទឹងសែន និងរដ្ឋបាលសង្កាត់ ចំនួន៣ បន្ថែមទៀតគឺ៖ ១.គម្រោងបេតុងប្រវែង ៨៤៥ ម៉ែត្រ តភ្ជាប់ពីភូមិ ព្រៃបន្លិច សង្កាត់ អាចារ្យលាក់ ទៅភូមិក្តី សង្កាត់ព្រៃតាហ៊ូ គ្រោងនិងរៀបចំបើកការដ្ឋាននាពេលខាងមុខ។ ២. គម្រោងបេតុងប្រវែង ៩០០ ម៉ែត្រ តភ្ជាប់ពីជាតិលេខ០៦A ទៅកាន់ភូមិកំពង់សំរោង សង្កាត់ស្រយ៉ូវ គ្រោងនិងរៀបចំបើកការដ្ឋាននាពេលខាងមុខ។ ៣. គម្រោងបេតុងប្រវែង ៥០០០ ម៉ែត្រ តភ្ជាប់ពីជាតិលេខ០៦ ទៅកាន់ភូមិ រលួស សង្កាត់ស្រយ៉ូវ គ្រោងនិងរៀបចំបើកការដ្ឋាននាពេលខាងមុខ។