[Rasmei Kampuchea Daily News] - លទ្ធផលត្រួតពិនិត្យការអនុវត្តច្បាប់ចរាចរណ៍ផ្លូវគោកថ្ងៃទី២២ ខែមករា រកឃើញយានយន្តល្មើសចំនួន៦៨គ្រឿង
ភ្នំពេញ ៖ តាមរបាយការណ៍ពីនាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ ស្តីពីការរឹតបន្ដឹងច្បាប់ស្ដីពីចរាចរណ៍ផ្លូវគោកនៅរសៀលថ្ងៃទី២២ ខែមករា ឆ្នាំ២០២៣នេះបានឱ្យ ឲដឹងថា ក្នុងចំនួនគោលដៅសរុប ៧៨គោលដៅ មានយានយន្តចូលគោលដៅចំនួន ១១៨គ្រឿង ម៉ូតូចំនួន ៤៧គ្រឿង ក្នុងនោះរកឃើញ យានយន្តល្មើសសរុបចំនួន ៦៨គ្រឿង មានម៉ូតូចំនួន ៤៧គ្រឿង ត្រូវបានផាកពិន័យតាមអនុក្រឹត្យលេខ៣៩.អនក្រ.បក នៅទូទាំងប្រទេស ។
ដោយឡែកកាលពីថ្ងៃទី២១ ខែមករាម្សិលមិញនេះក្នុងចំនួនគោលដៅសរុប ១០៦គោលដៅ មានយានយន្តចូលគោលដៅចំនួន ៤៦៤គ្រឿង ម៉ូតូចំនួន ៣៦១គ្រឿង ក្នុងនោះរកឃើញ យានយន្តល្មើសសរុបចំនួន ៤០៦គ្រឿង មានម៉ូតូចំនួន ៣៤៩គ្រឿង ត្រូវបានផាកពិន័យ។
សូមជម្រាបថា ក្នុងរយៈពេល២២ថ្ងៃ(ថ្ងៃទី០១-២២ ខែមករា) ការរឹតបន្ដឹងការអនុវត្តច្បាប់ស្ដីពីចរាចរណ៍ផ្លូវគោក យានយន្តចូលគោលដៅមានចំនួន ២៣.០៨៥គ្រឿង ក្នុងនោះរកឃើញយានយន្តល្មើសសរុបចំនួន ៥.៦២៥គ្រឿង ម៉ូតូមានចំនួន ៤.៩១៦គ្រឿង ត្រូវបានផាកពិន័យតាមអនុក្រឹត្យលេខ៣៩ អនក្រ.បក នៅទូទាំងប្រទេស ៕
