ទីស្តីការក្រសួង៖ ថ្ងៃសុក្រ ១៤រោច ខែបុស្ស ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២០ ខែមករា ឆ្នាំ២០២៣ ឯកឧត្តម ហឿន សំនៀង នាយកវិទ្យាស្ថានតេជោសែន សាធារណការ និងដឹកជញ្ជូន (វ.ត.ស.ស.ដ. ) បានអញ្ជើញចូលរួមជាវាគ្មិនកិត្តិយសក្នុងកម្មវិធី MPWT Live Show ក្រោមប្រធាន បទ៖ “ហេតុអ្វីនិស្សិតគួរសិក្សានៅវិទ្យាស្ថានតេជោសែន សាធារណការ និងដឹកជញ្ជូន?” ដោយមាន ការចូលរួមពីថ្នាក់ដឹកនាំ សាស្រ្តាចារ្យ និងមន្ត្រីជំនាញពាក់ព័ន្ធរបស់វិទ្យាស្ថាន។ កម្មវិធី MPWT Live Show ជាកម្មវិធីផ្សាយផ្ទាល់លើទំព័រហ្វេសប៊ុកផ្លូវការរបស់ក្រសួងសាធារណការ និងដឹកជញ្ជូន ដែលទទួលបានការអនុញ្ញាតដ៏ខ្ពង់ខ្ពស់ឱ្យដាក់ដំណើរការជាផ្លូវការពីឯកឧត្តមទេសរដ្ឋមន្ត្រី ស៊ុន ចាន់ថុល ក្នុងគោលបំណងបង្ហាញពីវឌ្ឍនភាព សមិទ្ធផល កិច្ចខិតខំប្រឹងប្រែងរបស់ក្រសួងទៅកាន់ ប្រជាពលរដ្ឋឱ្យកាន់តែទូលំទូលាយ។ កម្មវិធីនេះផ្ដល់ឱកាសឱ្យថ្នាក់ដឹកនាំ និងមន្ត្រីរបស់ក្រសួងផ្សារភ្ជាប់ ទំនាក់ទំនងជាមួយបងប្អូនប្រជាពលរដ្ឋឱ្យកាន់តែមានភាពជិតស្និទ្ធ តាមរយៈការបកស្រាយសំណួរដែល បានធ្វើការបញ្ចេញមតិ (Comment) សួរពាក់ព័ន្ធនឹងប្រធានបទរបស់វាគ្មិនកិត្តិយស ក្នុងទំព័រហ្វេសប៊ុក ផ្លូវការរបស់ក្រសួង ក៏ដូចជាជំរុញការផ្ដល់សេវាសាធារណៈឱ្យកាន់តែមានភាពល្អប្រសើរថែមទៀត។ កម្មវិធី MPWT Live Show នាឱកាសនេះ ត្រូវបានរៀបចំឡើងក្នុងគោលបំណងដើម្បីបង្ហាញពីវឌ្ឍនភាព ការងាររបស់វិទ្យាស្ថាន ចាប់តាំងពីថ្ងៃបើកដំណើរការជាផ្លូវការ រហូតមកដល់បច្ចុប្បន្ន និងជាពិសេសគឺ ដើម្បីផ្សព្វផ្សាយអំពីអាហារូបករណ៍១០០% និងព័ត៌មានផ្សេងៗរបស់វិទ្យាស្ថាន ក្នុងយុទ្ធនាការជ្រើសរើស និស្សិតជំនាន់ទី៣ សម្រាប់ឆ្នាំសិក្សា ២០២២-២០២៣ ដែលនឹងបើកបវេសនកាលនាពេលខាងមុខនេះ។ ឆ្លៀតក្នុងឱកាសនោះ ឯកឧត្តមនាយកវិទ្យាស្ថាន បានបង្ហាញពីគោលបំណងនៃការបង្កើត វ.ត.ស.ស.ដ. ក្រោមការដឹកនាំដ៏ឈ្លាសវៃប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងការតាំងចិត្តដ៏មោះមុតប្រកបដោយចក្ខុវិស័យច្បាស់លាស់ របស់ឯកឧត្តមទេសរដ្ឋមន្រ្តី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន។ វិទ្យាស្ថាន តេជោសែន សាធារណការ និងដឹកជញ្ជូន ត្រូវបានបង្កើតឡើងក្នុងគោលបំណងបណ្តុះបណ្តាលធនធាន មនុស្ស ប្រកបដោយជំនាញច្បាស់លាស់ ចំណេះដឹងទូលំទូលាយ និងមានសីលធម៌ អត្តចរិកចរិយា សម្បត្តិត្រឹមត្រូវ ដើម្បីដោះស្រាយបញ្ហាវិបត្តិកង្វះអ្នកជំនាញបច្ចេកទេស ក្នុងវិស័យសាធារណការ និង ដឹកជញ្ជូន នាពេលបច្ចុប្បន្ន និងទៅអនាគត សំដៅចូលរួមចំណែក អភិវឌ្ឍសេដ្ឋកិច្ច និងសង្គមជាតិ (ជំនាញ ចំណេះដឹង និងសីលធម៌)។ កម្មវិធីផ្សាយផ្ទាល់នាឱកាសនេះ បានបើកឱ្យសាធារណជន លើកឡើងជាសំណួរ បញ្ចេញមតិយោបល់ ទៅកាន់វាគ្មិនកិត្តិយសពាក់ព័ន្ធទៅនឹងការប្រឡងចូលសិក្សា ការជ្រើសរើសជំនាញសិក្សា កម្មវិធីផ្លាស់ប្តូរ និស្សិតអាហារូបករណ៍ និងចក្ខុវិស័យរបស់វិទ្យាស្ថានជាដើម។ តាមរយៈកម្មវិធីនេះ ឯកឧត្តមនាយក វិទ្យាស្ថាន ដែលជាវាគ្មិនកិត្តិយសបានខិតខំស្រាយបំភ្លឺរាល់ចម្ងល់ទាំងអស់របស់បងប្អូនឱ្យបានយល់ កាន់តែច្បាស់ ដើម្បីជាមូលដ្ឋានក្នុងការសម្រេចចិត្តចុះឈ្មោះប្រឡងចូលសិក្សា ក៏ដូចជាជ្រើសរើស ជំនាញដើម្បីសិក្សាផងដែរ។ នៅពេលបញ្ចប់កម្មវិធីនេះ ឯកឧត្តមនាយកវិទ្យាស្ថាន បានថ្លែងអំណរគុណយ៉ាងជ្រាលជ្រៅដល់បងប្អូន ទាំងអស់ ដែលបានចំណាយពេលវេលាលើកជាសំណួរផ្សេងៗ និងចូលរួមទស្សនាកម្មវិធីនេះ តាំងពីដើម រហូតដល់ចប់ និងបានផ្តាំផ្ញើរទៅកាន់ក្មួយៗ ប្អូនៗ សិស្ស និស្សិត ឱ្យជ្រើសរើសជំនាញដែលខ្លួនស្រឡាញ់ និងគិតគូរឱ្យបានវែងឆ្ងាយ និងទូលំទូលាយ ដើម្បីសិក្សាអំពីឱកាសការងារនៃជំនាញនីមួយៗ មុននឹង សម្រេចចិត្តសិក្សា។ សូមជម្រាបជូនដែរថា៖ នៅក្នុងវិទ្យាស្ថានតេជោសែន សាធារណការ និងដឹកជញ្ជូន (វ.ត.ស.ស.ដ. ) មាន បង្រៀនជំនាញចំនួន០៦ ដែលមានតម្រូវការខ្ពស់ក្នុងប្រទេសកម្ពុជា ហើយបច្ចុប្បន្នវិទ្យាស្ថាន កំពុងផ្ដល់ ជូនអាហារូបករណ៍១០០% ចំនួន៥០កន្លែង ជូនសិស្សានុសិស្សដែលទើបនឹងបញ្ចប់មធ្យមសិក្សាទុតិយ ភូមិនាពេលថ្មីៗនេះ ហើយប្អូនៗអាចស្វែងយល់អំពីជំនាញ និងឱកាសការងារមុននឹងសម្រេចចិត្តដាក់ ពាក្យប្រឡងចូលរៀន ឬប្រឡងយកអាហារូបករណ៍តាមតំណរភ្ជាប់ខាងក្រោមនេះ៖ https://exam.tsipwt.edu.kh