សកម្មភាពខ្លះៗពីកម្មវិធី TSI Open Day របស់វិទ្យាស្ថានតេជោសែន សាធារណការ និងដឹកជញ្ជូន ដែលត្រូវបានរៀបចំឡើងកាលពីថ្ងៃទី១៤ ខែមករា ឆ្នាំ២០២៣ ក្រសួង​សាធារណការ​:​ កម្មវិធីនេះប្រារព្ធឡើង ក្នុងគោលបំណងដើម្បីផ្សព្វផ្សាយដល់សិស្សានុសិស្ស អំពីជំនាញសិក្សានៅវិទ្យាស្ថានតេជោសែន សាធារណការ និងដឹកជញ្ជូន ឱកាសអាហារូបករណ៍១០០% និងបង្កើនការយល់ដឹងឱ្យកាន់តែទូលំទូលាយដល់សាធារណជន អំពីសមិទ្ធផលការងារសំខាន់ៗ របស់ក្រសួងសាធារណការ និងដឹកជញ្ជូន។ មុខជំនាញចំនួន៦ បានផ្ដល់ជូនដោយវិទ្យាស្ថានតេជោសែន សាធារណការ និងដឹកជញ្ជូនរួមមាន៖ ១) ជំនាញសំណង់ផ្លូវថ្នល់ ផ្លូវល្បឿនលឿន ស្ពាន ផ្លូវដែក និងកំពង់ផែ ២) ប្រព័ន្ធចម្រោះទឹកកខ្វក់ ៣) សេដ្ឋកិច្ច និងការគ្រប់គ្រងដឹកជញ្ជូនផ្លូវគោក ៤) គ្រប់គ្រងភស្តុភារកម្ម និងខ្សែច្រវាក់ផ្គត់ផ្គង់ ៥) អ្នកបើកបរនាវា និង ៦) ម៉ាស៊ីននាវា។ ថ្លែងក្នុងកម្មវិធី ឯកឧត្ដម ហឿន សំនៀង នាយកវិទ្យាស្ថានបានធ្វើការតាំងចិត្តខ្ពស់ក្នុងការផ្ដល់ការបណ្តុះបណ្តាលដែលមានជំនាញច្បាស់លាស់ ចំណេះដឹងទូលំទូលាយ ដែលអាចធ្វើការជាមួយអ្នកដទៃបាន ព្រមទាំងមានសីលធម៌ អត្តចរិត និងគុណតម្លៃខ្ពស់ ក្នុងឋានៈជាអ្នកបន្តវេនដ៏មានសក្តានុពលប្រកបដោយស្មារតីទទួលខុសត្រូវចំពោះវាសនា អនាគតរបស់កម្ពុជាលើវិស័យហេដ្ឋារចនាសម្ព័ន្ធផ្លូវថ្នល់ ដឹកជញ្ជូន និងភស្តុភាកម្ម។ ដើម្បីអាចទទួលបានអាហារូបករណ៍១០០% ពីវិទ្យាស្ថានតេជោសែន សាធារណការ និងដឹកជញ្ជូន ប្អូនៗត្រូវដាក់ពាក្យប្រឡងចូលជានិស្សិតជំនាន់ទី៣ តាមប្រព័ន្ធអនឡាញ ដោយគ្រាន់តែចូលទៅកាន់តំណរភ្ជាប់ដូចខាងក្រោម៖ https://exam.tsipwt.edu.kh/#/auth/register សម្រាប់ព័ត៌មានលម្អិតសូមទាក់ទង៖ - លេខទំនាក់ទំនង: 098 21 02 21 / 078 21 01 21 - Group Telegram ប្រឡងជំនាន់ទី៣: https://t.me/tsipwt2023 - Channel Telegram វិទ្យាស្ថាន: https://t.me/tsipwtofficial - អ៊ីម៉ែល (Email): info@tsipwt.edu.kh - វេបសាយ (Website): http://tsipwt.edu.kh