សម្តេចតេជោបញ្ជាក់ថា រដ្ឋាភិបាលចិនបានជួយសាងសង់ស្ពានឆ្លងទន្លេយ៉ាងច្រើននៅកម្ពុជា ហើយសម្តេចកំពុងស្វះស្វែងរកឥណទានពីចិន ដើម្បីសាងសង់ហេដ្ឋរចនាសម្ព័ន្ធបន្ថែមទៀត ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានបញ្ជាក់ថា រដ្ឋាភិបាលចិន បានជួយសាងសង់ស្ពានឆ្លងទន្លេមេគង្គចំនួន៤ហើយ ហើយមកដល់ពេលនេះចិន ជួយសាងសង់ស្ពានឆ្លងទន្លេសរុប១១ហើយ។ ជាងនេះទៅទៀតសម្តេចក៏កំពុងស្វះស្វែងរកឥណទានពីចិន ដើម្បីសាងសង់ហេដ្ឋរចនាសម្ព័ន្ធបន្ថែមទៀត។ នៅក្នុងឱកាសអញ្ជើញជាសហអធិបតីបើកការដ្ឋានសាងសង់ស្ពានឆ្លងកាត់ទន្លេមេគង្គខេត្តក្រចេះ និងផ្លូវតភ្ជាប់ក្រោមឥណទានសម្បទានពីរដ្ឋាភិបាលប្រជាមានិតចិន នៅព្រឹកថ្ងៃចន្ទ ទី០២ ខែមករា ឆ្នាំ២០២៣ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា មានប្រសាសន៍ថា រដ្ឋាភិបាលចិនបានជួយសាងសង់ស្ពានឆ្លងទន្លេយ៉ាងច្រើននៅកម្ពុជា ហើយស្ពានដែលឆ្លងទន្លេមេគង្គចំនួន៤ហើយ ។