កិច្ចប្រជុំពិភាក្សាស្ដីពីការរៀបចំកិច្ចប្រជុំបូកសរុបលទ្ធផលការងារប្រចាំឆ្នាំ២០២២ របស់ក្រុមការងារ ស.ស.យ.ក វិស័យសាធារណការ និងដឹកជញ្ជូន និងការបែងចែកតួនាទី ភារកិច្ចតាមផ្នែក និងក្រុមជំនាញនីមួយៗ ភ្នំពេញ៖ ថ្ងៃអង្គារ ៥រោច ខែមិគសិរ ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី១៣ ខែធ្នូ ឆ្នាំ២០២២ លោក ឈួន វិន ប្រធានក្រុមការងារ ស.ស.យ.ក. វិស័យសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំផ្ទៃក្នុង ដើម្បីពិភាក្សាលើការរៀបចំកិច្ចប្រជុំបូកសរុបលទ្ធផលការងារប្រចាំឆ្នាំ២០២២ និងទិសដៅការងារឆ្នាំ២០២៣ របស់ក្រុមការងារ ស.ស.យ.ក ក្នុងវិស័យ និងបន្តពិភាក្សាបញ្ចប់ការធ្វើបច្ចុប្បន្នភាពសមាជិក សមាជិការ តាមផ្នែកព្រមទាំងការបែងចែកតួនាទី ភារកិច្ចតាមផ្នែក និងក្រុមការងារជំនាញនីមួយៗ ដោយមានការចូលរួមពី លោក លោកស្រី អនុប្រធាន សមាជិក សមាជិកា របស់ ស.ស.យ.ក វិស័យសាធារណការ និងដឹកជញ្ជូន សរុបចំនួន៩រូប។ ក្នុងនោះដែរ អង្គប្រជុំបានពិភាក្សាទៅលើការរៀបចំកម្មវិធីអប់រំផ្សព្វផ្សាយការងារសុវត្ថិភាពចរាចរណ៍នៅតាមសាលារៀន និងការងារធ្វើបច្ចប្បន្នភាព សមាជិក សមាជិការ ព្រមទាំងការងារជំរុញយុវជនឱ្យចូលជាសមាជិករបស់ ស.ស.យ.ក ផងដែរ៕