ក្រោយមានព័ត៌មានអំពីការសាងសង់នូវស្ពានមិត្តភាពកម្ពុជា-សាធារណរដ្ឋកូរ៉េ ពលរដ្ឋរស់នៅភូមិអរិយក្សត្រ ឃុំអរិយក្សត្រ ស្រុកល្វាឯម ខេត្តកណ្ដាល បានបង្ហាញក្ដីសាទរ ដោយលើកឡើងថា នៅពេលដែលមានស្ពាន នឹងងាយស្រួល ក្នុងការធ្វើដំណើរ ពិសេសនៅពេលយប់ព្រលប់។ ចំណែកមេឃុំអរិយក្សត្រ ក៏បានបង្ហាញក្ដីសាទរ និងអះអាងថា តំបន់អរិយក្សត្រ និយាយដោយឡែក និងនិយាយជារួមស្រុកល្វាឯម នឹងក្លាយជាកោះពេជ្រទី២ ក្រោយមានស្ពានភ្ជាប់អរិយក្សត្រ-ជ្រោយចង្វា-ភ្នំពេញ។