សមិទ្ធផលរបស់ក្រុមការងារ ស.ស.យ.ក វិស័យសាធារណការ និងដឹកជញ្ជូន ត្រូវបានដាក់តាំងបង្ហាញនៅក្នុងធិពីបុណ្យសមុទ្រលើកទី៩ នៅខេត្តព្រះសីហនុ ព្រះសីហនុ៖ ថ្ងៃសុក្រ ១រោច ខែមិគសិរ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៩ ខែធ្នូ ឆ្នាំ២០២២ ក្រុមអាជីវកម្ម​នៃ​ ស.ស.យ.ក វិស័យសាធារណការ និងដឹកជញ្ជូន សហការជាមួយផ្នែកកំពង់ផែស្វយ័តព្រះសីហនុ​ និង​ ស.ស.យ.ក​ មន្ទីរសាធារណការ​ និងដឹកជញ្ជូន​ ខេត្តព្រះសីហនុ​ បានចូលរួមអបអរសាទរពិធីបុណ្យសមុទ្រលើកទី៩ និងដាក់តាំងបង្ហាញជូនភ្លៀវទេសចរណ៍ជាតិ អន្ដរជាតិ នូវផលិតផលដែលធ្វើដោយដៃ របស់ក្រុមអាជីវកម្ម នៃក្រុមការងារ ស.ស.យ.ក ក្នុងវិស័យសាធារណការ និងដឹកជញ្ជូន​ និងចែកជូនខិត្តបណ្ណ​ផ្សព្វផ្សាយសុវត្ថិភាពចរាចរណ៍ រួមទាំងច្បាប់ចរាចរណ៍ផ្លូវគោកផងដែរ។ សូមជម្រាបជូនផងដែរថា ពិធីបុណ្យសមុទ្រលេីកទី៩នេះនឹងប្រព្រឹត្តិទៅរយៈពេល៣ថ្ងៃ គឺចាប់ពីថ្ងៃទី៩ ដល់ថ្ងៃទី១១ ខែធ្នូ ឆ្នាំ២០២២ ដោយពិធីបេីកជាផ្លូវការ ក្រោមវត្តមានដ៏ខ្ពង់ខ្ពស់បំផុតរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា៕