(កំពង់ចាម)៖ លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម បានចាត់ការិយាល័យនគរបាលចរាចរណ៍ផ្លូវគោក ចុះតាមបណ្ដាគោលដៅនានា ដើម្បីពង្រឹងការអនុវត្តច្បាប់ និងផ្សព្វផ្សាយអំពីសុវត្ថិភាពចរាចរណ៍ផ្លូវគោក ជូនប្រជាពលរដ្ឋក្នុងមូលដ្ឋានខេត្ត។ ក្រោយទទួលបានបទបញ្ជា នៅយប់ថ្ងៃទី២៨ ខែវិច្ឆិកា ឆ្នាំ២០២២ លោក​វរសេនីយ៍ឯក​ អឿ​ សុភា​ នាយការិយាល័យ​នគរបាល​ចរាចរណ៍​ផ្លូវ​គោក​ ដឹកនាំកម្លាំងរបស់ការិយាល័យនគរបាលចរាចរណ៍ផ្លូវគោក​ ដែលនៅប្រចាំការនៅការិយាល័យមួយក្រុម និងសហការជាមួយកម្លាំងអធិការដ្ឋាននគរបាលស្រុកកំពង់សៀម​,​ ស្រុក​ព្រៃឈរ​,​ ស្រុក​ជេីងព្រៃ​ និងស្រុកបាធាយ​ ដោយប្រេីប្រាស់រថយន្ដសេរ៉ែនរបស់ការិយាល័យមួយគ្រឿង​ និងរថយន្ដ​របស់អធិការដ្ឋាននគរបាលស្រុក​ចុះពង្រឹង​ ការល្បាតត្រួតពិនិត្យ​ដូចជា៖ *ទី១៖ ពង្រឹង​កម្លាំង​នៅតាមបណ្ដាគោលដៅ​ អនុវត្ត​ច្បាប់​ចរាចរណ៍​ផ្លូវ​គោក​ តាមអនុក្រឹតលេខ៣៩​ អប្រក​ *ទី២៖ ល្បាត​ត្រួតពិនិត្យ​ តាមភូមិសាស្ត្រប្រឈមនិងគ្រោះថ្នាក់ចរាចរណ៍​ និងគ្រោះថ្នាក់ផ្សេងៗ​កន្លងមកនេះ​ *ទី៣៖ ណែនាំ​ដល់កម្លាំងក្នុងក្រុមនីមួយៗ​ នូវវិន័យកងកម្លាំង​ *ទី៤៖ ណែនាំ​ដល់អ្នកប្រេីប្រាស់ផ្លូវ​ ឲ្យ​ចូល​រួម​ក្នុង​ការគោរពច្បាប់ចរាចរណ៍ *ទី៥៖ អប់រំណែនាំ​ និងបិទចំណាំងផ្លាតដល់មធ្យោបាយមួយចំនួន​ ដែលមានភ្លេីងបំភ្លឺគ្រប់គ្រាន់នៅពេលយប់​។ លោកវរសេនីយ៍ឯក អឿ សុភា បានបញ្ជាក់ថា តាមស្ថានភាពជាក់ស្ដែងក្នុងពេលចុះល្បាត​ឃេីញថា​ អ្នកប្រេីប្រាស់​មួយចំនួនធំមានការយល់ដឹងច្បាស់​ និងបានចូលរួមគោរពច្បាប់ចរាចរណ៍​ តែនៅមួយចំនួនតូចមិនបានចូលរួមគោរពច្បាប់​​ ហេីយត្រូវបានជំនាញធ្វេីការអប់រំណែនាំ​៕