ក្រសួងសាធារណការ៖ កំណើនយានយន្តកើនឡើង ៦០ភាគរយ ដែលបានធ្វើចរាចរណ៍​លើផ្លូវល្បឿនលឿនភ្នំពេញ-ព្រះសីហនុ បើធៀបនឹងតួលេខថ្ងៃទីមួយ ផ្លូវ​ល្បឿន​លឿនភ្នំពេញ-ព្រះសីហនុ ក្នុងរយៈពេល២៤ម៉ោងចុងក្រោយនេះ។ តួលេខនេះបាន​បង្ហាញ​​ឱ្យឃើញពីកំណើននៃការធ្វើដំណើរលើផ្លូវល្បឿនលឿនក្នុងថ្ងៃទីពីរ នៃការដាក់ឱ្យ​ដំណើរ​សាក​ល្បង ដែលស្មើនឹងជាង ៦០ភាគរយ បើធៀបនឹងតួលេខពីម្សិលមិញ។ នេះបើយោង​តាមកគិតចាប់ពីម៉ោង ៧៖០០នាទីព្រឹក ថ្ងៃទី០២ ដល់ម៉ោង ៧៖០០នាទីព្រឹក ថ្ងៃទី០៣ ខែតុលា ឆ្នាំ២០២២នេះ មានយានយន្តចំនួន ១៤ ៣២២ គ្រឿង បានធ្វើចរាចរណ៍លើផ្លូវ​ល្បឿន​លឿនភ្នំពេញ-ព្រះសីហនុ ក្នុងរយៈពេល២៤ម៉ោងចុងក្រោយនេះ។ តួលេខនេះបាន​បង្ហាញ​​ឱ្យឃើញពីកំណើននៃការធ្វើដំណើរលើផ្លូវល្បឿនលឿនក្នុងថ្ងៃទីពីរ នៃការដាក់ឱ្យ​ដំណើរ​សាក​ល្បង ដែលស្មើនឹងជាង ៦០ភាគរយ បើធៀបនឹងតួលេខពីម្សិលមិញ។ នេះបើយោង​តាមក្រសួងសាធារណការ និងដឹកជញ្ជូន។ បើតាមក្រសួងសាធារណការ នេះជាសញ្ញាណវិជ្ជមានមួយបង្ហាញថា ផ្លូវល្បឿន​លឿនជម្រើសប្រសើរមួយសម្រាប់ការធ្វើដំណើរ និងការដឹកជញ្ជូនផងដែរ។ យោងតាមក្រសួងសាធារណការបានឱ្យដឹងថា ក្នុងចំណោមយានយន្ត​ដែលបាន​ចរាចរ ក្នុងថ្ងៃទី២នេះ មានករណីដែលត្រូវការ ការប្រឹក្សាយោបល់ សាកសួរព័ត៌មាន និង​ស្វែងរកជំនួយសង្គ្រោះ សរុបមានចំនួន ៥៣ករណី ដែលបានធ្វើការទាក់ទងទៅកាន់​លេខ១៣៩៩ ក្នុងថ្ងៃនោះ។ សូមជម្រាបជូនផងដែរថា ការបើកបរលើផ្លូវល្បឿនលឿន តម្រូវឱ្យអ្នកបើកបរ និង​អ្នករួមដំណើរទាំងអស់ ចូលរួមសហការក្នុងការឈ្វេងយល់ឱ្យបានល្អិតល្អន់​ពីសេចក្តីណែ​នាំ និងអនុវត្តន៍ឱ្យបានម៉ឹងម៉ាត់ចំពោះលក្ខខណ្ឌក្នុងការបើកបរលើផ្លូវនេះ ហើយជាពិសេស​ត្រូវចូលរួមគោរពច្បាប់ចរាចរណ៍ទាំងអស់គ្នា ទើបការធ្វើដំណើររបស់បងប្អូនប្រកប​ដោយ​ភាព​សប្បាយរីករាយ និងសុខសុវត្ថិភាព៕