សារលិខិតចូលរួមរំលែកមរណទុក្ខ សូមគោរពជូន ឯកឧត្តម ហ៊ុន ម៉ានី ប្រធានគណៈកម្មការទី៧ នៃរដ្ឋសភា និងជាប្រធានសហភាពសហព័ន្ធយុវជនកម្ពុជា និងក្រុមគ្រួសារ ចំពោះមរណភាពរបស់ មហាឧបាសិកា ទន់ ធី ក្នុងឱកាសប្រកបដោយសេចក្ដីខ្សឹកខ្សួលរំជួលចិត្តជាអនេកនេះ យើងខ្ញុំទាំងអស់គ្នាសូមសម្ដែងនូវសមានទុក្ខដ៏ជ្រាលជ្រៅ ព្រមទាំងសេចក្ដីសង្វេកដ៏ធំធេង និងពោរពេញដោយសេចក្ដីសោកស្ដាយស្រណោះអាឡោះអាល័យពន់ពេកចំពោះមរណភាពរបស់ មហាឧបាសិកា ទន់ ធី ដែលជាការបាត់បង់នូវ ជីដូន ជីដូនក្មេក ជីទួត ជាទីគោរពស្រលាញ់ប្រកបដោយព្រហ្មវិហារធម៌ និងជាម្លប់ដ៏ត្រជាក់នៃក្រុមគ្រួសារ។ នាវេលាប្រកបដោយសមានទុក្ខដ៏ក្រៀមក្រំនេះ យើងខ្ញុំទាំងអស់គ្នាជាសមាជិក សមាជិកា ក្រុមការងារ ស.ស.យ.ក. វិស័យសាធារណការ និងដឹកជញ្ជូន សូមឧទ្ទិសបួងសួងដល់ដួងវិញ្ញាណក្ខន្ធ មហាឧបាសិកា ទន់ ធី សូមបានបដិសន្ធិក្នុងទីឋានសុគតិភពកុំបីឃ្លៀងឃ្លាតឡើយ៕