ជំនួបពិភាក្សាតាមប្រព័ន្ធវីដេអូពីចម្ងាយលើការរៀបចំសិក្ខាសាលាផ្លាស់ប្តូរបទពិសោធន៍ស្តីពីការគ្រប់គ្រង ប្រព័ន្ធទឹកកខ្វក់នៅកម្ពុជា រវាងក្រុមការងារ Partnership for Infrastructure (P4I) នៃប្រទេសអូស្រ្តាលី និងក្រុមការងារនៃអគ្គនាយកដ្ឋានប្រព័ន្ធចម្រោះទឹកកខ្វក់ ថ្ងៃចន្ទ ៩រោច ខែភទ្របទ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៩ ខែកញ្ញា ឆ្នាំ២០២២ នៅទីស្តីការក្រសួង ឯកឧត្តម សួន ភារិទ្ធ អគ្គនាយកនៃអគ្គនាយកដ្ឋានប្រព័ន្ធចម្រោះទឹកកខ្វក់ ក្រសួងសាធារណការ និងដឹកជញ្ជូន បានអញ្ជើញដឹកនាំក្រុមការងារនៃអគ្គនាយកដ្ឋានប្រព័ន្ធចម្រោះទឹកកខ្វក់ ជួបជាមួយក្រុមការងារ Partnership for Infrastructure (P4I) AWA និងមន្ត្រីស្ថានទូតអូស្ត្រាលី តាមប្រព័ន្ធវីដេអូពីចម្ងាយ ដើម្បីពិភាក្សាលើការរៀបចំសិក្ខាសាលាផ្លាស់ប្តូរបទពិសោធន៍ស្តីពីការគ្រប់គ្រងប្រព័ន្ធទឹកកខ្វក់នៅកម្ពុជា។ ជំនួបពិភាក្សាតាមប្រព័ន្ធវីដេអូពីចម្ងាយនេះ ធ្វើឡើងក្នុងគោលបំណងផ្លាស់ប្តូរចែករំលែកបទពិសោធន៍លើវិស័យទឹកកខ្វក់ ដោយផ្តោតសំខាន់លើគោលនយោបាយ យុទ្ឋសាស្រ្ត និងផែនការសកម្មភាព ដែលគ្រោងសហការរៀបចំនៅក្នុងខែវិច្ជិកា ឬខែធ្នូ ឆ្នាំ២០២២ ខាងមុខ៕