កម្រងរូបភាពគណៈប្រតិភូចូលរួមគោរពវិញាណក្ខន្ធសពមហាវីរិយាភិរ័ក្ខសិរី អគ្គមហាឧបាសកពុទ្ធសាសនូបត្ថម្ភក៍ ខេរ៉ូ ស៊ុនស្រេង ត្រូវជាឪពុកបង្កើតរបស់ឯកឧត្តមទេសរដ្ឋមន្ដ្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន នាព្រឹកថ្ងៃអង្គារ ១១រោច ខែស្រាពណ៍ ឆ្នាំខាល ចត្វាស័ក ព.ស.២៥៦៦ ត្រូវនឹង ថ្ងៃទី២៣ ខែសីហា ឆ្នាំ២០២២ រួមមាន៖ ­- ឯកឧត្តមប្រធានគណៈកម្មការទី៩ នៃព្រឹទ្ធសភា ­- លោកជំទាវបណ្ឌិតសភាចារ្យ រដ្ឋមន្ត្រីក្រសួងវប្បធម៌ និងវិចិត្រសិល្បៈ ­- ឯកឧត្តមរដ្ឋមន្ត្រីក្រសួងយុត្តិធម៌ ­- ឯកឧត្តមរដ្ឋលេខាធិការប្រចាំការ ក្រសួងរ៉ែ និងថាមពល ­- ឯកឧត្តមនាយឧត្តមសេនីយ៍ អគ្គមេបញ្ជាការ នៃកងយោធពលខេមរភូមិន្ទ ­- ឯកឧត្តមនាយឧត្តមសេនីយ៍ អគ្គមេបញ្ជាការរង មេបញ្ជាការដ្ឋានវិស្វកម្មអគ្គបញ្ជាការដ្ឋាន ­- ឯកឧត្តមបណ្ឌិត ប្រធានក្រុមប្រឹក្សាខេត្តកណ្តាល និងឯកឧត្តមអភិបាល នៃគណៈអភិបាលខេត្តកណ្តាល ­- សភាពាណិជ្ជកម្មកម្ពុជា ­- ក្រុមហ៊ុន Hanshin Engineering and Construction និង ­- គណៈប្រតិភូក្រសួងសាធារណការ និងដឹកជញ្ជូន ដែលរួមមាន៖ អគ្គនាយកដ្ឋានភស្តុភារកម្ម អគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ អគ្គនាយកដ្ឋានប្រព័ន្ធចម្រោះទឹកកខ្វក់ ព្រមទាំង វិទ្យាស្ថានតេជោសែន សាធារណការ និងដឹកជញ្ជូន។ ក្នុងឱកាសប្រកបដោយសមានទុក្ខដ៏ក្រៀមក្រំនេះ គណៈប្រតិភូអញ្ជើញមកពីស្ថាប័ន ដូចដែលបានរៀបរាប់ខាងលើ សូមចូលរួមរំលែកមរណទុក្ខ ជាមួយឯកឧត្តមទេសរដ្ឋមន្ត្រី និងលោកជំទាវ រួមទាំងក្រុមគ្រួសារទាំងមូល ដោយក្តីសោកសង្រេង ស្រណោះអាឡោះអាល័យ ស្ទើរកទីបំផុតគ្មាន ព្រោះថាមរណភាពរបស់មហាវីរិយាភិរ័ក្ខសិរី អគ្គមហាឧបាសកពុទ្ធសាសនូបត្ថម្ភក៍ ខេរ៉ូ ស៊ុនស្រេង គឺជាការបាត់បង់នូវ ឪពុកបង្កើត ឪពុកក្មេក ជីតា និងជីតាទួត ជាទីគោរពស្រឡាញ់ដ៏ជ្រាលជ្រៅបំផុត និងប្រកបដោយព្រហ្មវិហារធម៌ដ៏ថ្លៃថ្លា និងជាពិសេសសូមគោរពលំឱនកាយវាចាចិត្ត ឧទ្ទិសបួងសួងដល់ដួងវិញ្ញាណក្ខន្ធរបស់ មហាវីរិយាភិរ័ក្ខសិរី អគ្គមហាឧបាសកពុទ្ធសាសនូបត្ថម្ភក៍ ខេរ៉ូ ស៊ុនស្រេង សូមឱ្យបានយោនយកកំណើត ក្នុងសុគតិភពកុំបីឃ្លៀងឃ្លាតឡើយ៕