ភ្នំពេញ៖ ឪពុកបង្កើតរបស់រដ្ឋក្រសួងមន្ត្រីសាធារណការ មហាវីរិយាភិរក្ខសិរីអគ្គមហាឧបាសកពុទ្ធសាសនូបត្ថម្ភក៍ ខេរ៉ូ ស៊ុនស្រេង បានទទួលមរណភាពនៅវេលាម៉ោង៦ រសៀលថ្ងៃទី២១ ខែសីហានេះ ក្នុងជន្មាយុ ៩៦ឆ្នាំ ដោយជរាពាធ។ យោងតាមសេចក្ដីជូនដំណឹងចុះថ្ងៃទី២១ ខែសីហានេះក្រសួងសាធារណការបានអញ្ជើញបុគ្គលិកមន្ត្រីរាជការនៃក្រសួងសាធារណការ និងដឹកជញ្ជូន ព្រមទាំងញាតិមិត្តជិតឆ្ងាយទាំងអស់ចូលរួមពិធីបុណ្យសពមហាវីរិយាភិរក្ខសិរីអគ្គមហាឧបាសកពុទ្ធសាសនូបត្ថម្ភក៍ ខេរ៉ូ ស៊ុនស្រេង ដែលត្រូវបានតម្កល់ធ្វើបុណ្យតាមប្រពៃណីព្រះពុទ្ធសាសនា ស្ថិតនៅគេហដ្ឋានលេខ១៧ ផ្លូវលេខ៦០៤ សង្កាត់បឹងកក់២ ខណ្ឌទួលគោក រាជធានីភ្នំពេញ៕