រាជធានីភ្នំពេញ៖ យោងតាមការចុះផ្សាយរបស់ ក្រសួងសាធារណការ និងដឹកជញ្ជូន នៅថ្ងៃទី២៦ ខែកក្កដា ឆ្នាំ២០២២ បានឱ្យដឹងថា ក្រសួងសាធារណការ ឆ្លើយតបនឹងសំណួរដែលសួរច្រើនជាងគេតាមរយៈលេខទូរសព្ទ (Hotline 1275) ដោយបានសួរថា៖ តើបែបបទនៃការចុះបញ្ជីរថយន្តតាមប្រព័ន្ធស្វ័យប្រវត្តិកម្ម ត្រូវធ្វើដូចម្ដេច?ក្រសួងសាធារណការ បានបញ្ជាក់ថា បែបបទសង្ខេបនៃការចុះបញ្ជីតាមប្រព័ន្ធស្វ័យប្រវត្តិកម្មរួមមាន៖ – ចូលទៅកាន់វេបសាយ https://vehicle.mpwt.gov.kh – ស្វែងរកលេខដែលពេញចិត្តរួចបញ្ជាទិញ – ត្រូវបង្កើតគណនី ឬកត់ត្រាចូលក្នុងប្រព័ន្ធបើមានគណនីហើយ – ធ្វើការបំពេញព័ត៌មានទៅតាមតំណាក់កាលនីមួយៗ – ករណីបំពេញឆៀករួមគ្នាជាមួយការចុះបញ្ជី ស្នើសុំម្ចាស់ព្រីនវិញ្ញាបនបត្រត្រួតពិនិត្យលក្ខណៈបច្ចេកទេសយានជំនិះ(ឆៀក) ជាមុនសិន – ពិនិត្យមើលព័ត៌មានរបស់ខ្លួនឡើងវិញ – បោះពុម្ពពាក្យស្នើសុំ និងវិក្កយបត្រ រួចទូទាត់ប្រាក់ជាមួយគ្រឹះស្ថានដៃគូរបស់ក្រសួង – រង់ចាំទទួលសារជូនដំណឹងពីការទទួលផ្លាកលេខ។ :::ព័ត៌មានលម្អិតទំនាក់ទំនងលេខទូរសព្ទ(Hotline)៖ 1275