កិច្ចប្រជុំត្រៀមរៀបចំពិធីសន្និបាតបោះឆ្នោតជ្រើសរើសប្រធាន និងសមាជិកសហព័ន្ធខ្មែរកីឡាហែលទឹកអាណត្តិទី៧ ឆ្នាំ២០២១-២០២៥ ដឹកនាំដោយឯកឧត្តមរដ្ឋលេខាធិការ សួង ហេង ថ្ងៃព្រហស្បតិ៍ ៨រោច ខែអាសាឍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២១ ខែកក្កដា ឆ្នាំ២០២២ នៅទីស្តីការក្រសួង ឯកឧត្តម សួង ហេង រដ្ឋលេខាធិការក្រសួងសាធារណការ និងដឹកជញ្ជូនបានអញ្ជើញដឹកនាំកិច្ចប្រជុំត្រៀមរៀបចំពិធីសន្និបាតបោះឆ្នោតជ្រើសរើសប្រធាន និងសមាជិកសហព័ន្ធខ្មែរកីឡាហែលទឹកអាណត្តិទី៧ ឆ្នាំ២០២១-២០២៥ ដោយមានការចូលរួមពីថ្នាក់ដឹកនាំក្រសួង លោក ហែម គិរី អគ្គលេខាធិការសហព័ន្ធខ្មែរកីឡាហែលទឹក និងមន្ត្រីជំនាញពាក់ព័ន្ធ។ ជាកិច្ចចាប់ផ្តើម ឯកឧត្តមរដ្ឋលេខាធិការ បានជំរុញលើកទឹកចិត្តឱ្យអង្គប្រជុំទាំងអស់ផ្ដល់មតិយោបល់ ក៏ដូចជាធាតុចូលដើម្បីធ្វើឱ្យការត្រៀមរៀបចំសន្និបាតបោះឆ្នោតជ្រើសរើសប្រធាន និងសមាជិកសហព័ន្ធខ្មែរកីឡាហែលទឹកអាណត្តិទី៧ ឆ្នាំ២០២១-២០២៥ បានប្រព្រឹត្តទៅដោយរលូនតាមការគ្រោងទុក។ អង្គប្រជុំបានផ្តោតការពិភាក្សាជាសំខាន់លើការកែសម្រួល និងអនុម័តលើរបៀបវារៈកិច្ចដំណើរការកម្មវិធីរៀបចំសន្និបាត និងការពិនិត្យរៀបចំលើការងារពាក់ព័ន្ធនឹងការអញ្ជើញភ្ញៀវ ការរៀបចំទីកន្លែង និងការរៀបចំខ្លឹមសារសម្រាប់សន្និបាត ដែលនឹងប្រព្រឹត្តនៅថ្ងៃសុក្រ ៩រោច ខែអាសាឍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២២ ខែកក្កដា ឆ្នាំ២០២២ នៅទីស្តីការក្រសួងសាធារណការ និងដឹកជញ្ជូន៕