ក្រសួងសាធារណការ​ ​និង​ដឹកជញ្ជូន​ ​បាន​ព្រមាន​ចាត់វិធានការ​ដល់​អ្នក​ដឹកជញ្ជូន​ទំនិញ​នៅ​តាមផ្លូវ​ថ្នល់​ ​ទោះ​រថយន្ត​របស់​អ្នកធំ​ ​ឬ​មាន​ខ្នង​ ​ឬ​អ្នកតូច​ពុំ​មាន​ខ្នង​ក៏ដោយ​ ​បើ​ដឹក​លើស​ទម្ងន់​ ​ត្រូវ​តែ​ចាប់​ដូចគ្នា​ ​ដើម្បី​សុវត្ថិភាព​ផ្លូវថ្នល់​ ​និង​កាត់​បន្ថយ​គ្រោះថ្នាក់​ចរាចរ​។​ ​រដ្ឋមន្ត្រី​ក្រសួងសាធារណការ​ ​និង​ដឹកជញ្ជូន​ ​លោក​ ​ស៊ុន​ ​ចាន់​ថុល​ ​បាន​លើកឡើង​ថា​ ​ជា​រៀង​រាល់ថ្ងៃ​ ​យើង​ចាប់បាន​ឡាន​ដឹកទំនិញ​លើស​ទម្ងន់​នៃ​ច្បាប់​ដែល​បាន​កំណត់​២​០​ភាគរយ​ ​ដែល​តម្រូវ​ឱ្យ​រើ​ទំនិញ​ចេញ​ ​ហើយ​ផាក​ពិន័យ​ ​និង​ឃាត់ទុក​រយៈពេល​មួយ​ឆ្នាំ​។​ ​លោក​និយាយ​ថា​ ​ទោះ​ចាប់​ជា​រៀងរាល់ថ្ងៃ​ក៏ដោយ​ ​ក៏​នៅតែ​មាន​អ្នក​ដឹក​លើស​ទម្ងន់​ដដែល​។​ ​លោក​ ​ចាន់​ថុល​ ​បញ្ជាក់​ថា​ ​ចាប់​រាល់ថ្ងៃ​ហើយ​នៅតែ​មាន​ ​ដឹក​លើស​៣​០​តោន​ ​លើស​ ​២​០​% ​គឺ​នៅតែ​កើតមានឡើង​ជាប្រចាំ​ ​ហើយ​បើ​គិត​រហូតមក​ទល់​ពេលនេះ​ ​គឺ​ចាប់បាន​រថយន្ត​ជាង​២​០​០​គ្រឿង​ ​ដើម្បី​រក្សាទុក​ក្នុងរយៈ​មួយ​ឆ្នាំ​។​ ​លោក​សួរ​ខ្លួនឯង​ថា​ ​តើ​ក្រសួង​ចង់​ទុក​ឡាន​ណាស់​ទៅ​ឬ​? ​មិន​ចង់​ទេ​ ​គឺ​ចង់​ឱ្យ​ឡាន​ដំណើរការ​ ​ដើម្បី​ឱ្យ​សេដ្ឋកិច្ច​ជាតិ​យើង​រីក​ចម្រើន​ ​ប៉ុន្តែ​ ​ត្រូវ​ធ្វើតាមច្បាប់​ ​អនុវត្ត​តាមច្បាប់​ ​គឺ​ច្បាប់​ពុំ​មាន​ការរើសអើង​ឡើយ​។​ ​ការ​អះអាង​ខាងលើ​នេះ​ ​ធ្វើឡើង​បន្ទាប់ពី​ចុះ​ពិនិត្យ​គម្រោង​ជួសជុល​លើក​គុណភាព​ផ្លូវជាតិ​លេខ​៤​ ​និង​ចុះ​ពិនិត្យ​វឌ្ឍនភាព​ការងារ​សាងសង់​លើក​ក​ម្រិ​ត​គុណភាព​ផ្លូវជាតិ​លេខ​៤​៨​ ​កាលពី​ថ្ងៃ​ព្រហស្បតិ៍​។​ ​រដ្ឋមន្ត្រី​ដដែល​បន្ថែម​ថា​ ឱ្យ​តែ​ឡាន​ដឹកទំនិញ​លើស​ទម្ងន់​ដោយ​ខុសច្បាប់​ ​គឺ​យើង​ចាប់​ទាំងអស់​ ​មិនមែន​ចាប់​តែ​ឡាន​អ្នកក្រ​ ​មិន​ចាប់​ឡាន​អ្នកមាន​ខ្នង​នោះ​ទេ​ ​គឺ​ចាប់​មិន​ស្គាល់​ឡាន​អ្នកមាន​ខ្នង​ ​ឬ​អត់​ខ្នង​នោះ​ទេ​។​ ​លោក​ ​ចាន់​ថុល​ ​បញ្ជាក់​ថា​៖​ ​«​ឡាន​អ្នក​មាន​ខ្នង​ ​ឬ​អត់​ខ្នង​ ​ខូច​ផ្លូវ​ដូចគ្នា​ ​ដូច្នេះ​ ​ត្រូវតែ​ចាប់​ដូចគ្នា​ ​មិនមែន​ឡាន​អ្នកធំ​ ​ដឹក​លើស​ទម្ងន់​មិន​ខូច​ផ្លូវ​នោះ​ទេ​ ​ខូច​ដូចគ្នា​ ចឹ​ង​ចាប់​ដូចគ្នា​»។​ ​លោក​និយាយ​ថា​ ​ចាប់បាន​ជាង​២​០​០​គ្រឿង​ ​ស្រាប់​តែ​មាន​លិខិត​អន្តរាគមន៍​ ​តែ​អន្តរាគមន៍​មិនកើត​ ​បើ​អន្តរាគមន៍​ម្នាក់​ ​ចុះ​១​៩​៩​ ​ផ្សេងទៀត​ចង់​ឱ្យ​រួចខ្លួន​ដែរ​ឬ​? ​ដូច្នេះ​ ​ខ្ញុំ​គ្មាន​សិទ្ធិ​ទេ​ ​ព្រោះ​ធ្វើ​ទៅលើ​ច្បាប់​ ​បើ​ចង់​ឱ្យ​ខ្ញុំ​ដូរ​ច្បាប់​ ​ត្រូវ​ទៅ​ទីស្ដីការ​គណ​រដ្ឋមន្ត្រី​ ​ហើយ​បន្ត​ទៅ​សភាជាតិ​ ​ដើម្បី​អនុម័ត​ថា​ ​លើស​ពី​ ​២០% ​គឺ​ត្រូវ​រួចខ្លួន​ ​គឺ​ខ្ញុំ​ធ្វើ​បាន​ ​តែ​បើ​ច្បាប់​ថា​ ​លើស​ ​២០% ​ត្រូវ​ចាប់​ទុក​មួយ​ឆ្នាំ​ ​គឺ​ធ្វើតាមច្បាប់​ ​ខ្ញុំ​គ្មាន​សិទ្ធិ​ដោះលែង​តាម​សំណូមពរ​ទេ​។​ ​ប្រធាន​សមាគមពាណិជ្ជ​កម្ម​ដឹកជញ្ជូន​ ​និង​ខ្សែ​ច្រ​វ៉ា​ក់​ផ្គត់ផ្គង់​កម្ពុជា​ ​លោក​ ​ជា​ ​ច​័ន្ទ​តារា​ ​ប្រាប់​សារ​ព័ត៌មាន​ថា​ ​វា​ជា​ការលំបាក​សម្រាប់​ប៉ូលីស​ក្នុង​ការពិនិត្យ​ថា​ ​តើ​រថយន្ត​ដឹកទំនិញ​មួយ​ណា​ផ្ទុក​លើស​ទម្ងន់​ ​លុះត្រាតែ​មាន​ ស្ថា​នី​យ៍​ថ្លឹង​ទម្ងន់​ ​ដូច្នេះ​ ​ពាណិជ្ជករ​ដឹកជញ្ជូន​គួរ​តែ​គោរពច្បាប់​ ​និង​រក្សា​ទម្ងន់​នៅ​ក្នុង​ដែន​កំណត់។​ ​លោក​ ​ច​័ន្ទ​ដារ៉ា​ ​បញ្ជាក់​ថា​ ​ការ​ផាក​ពិន័យ​ទៅ​លើ​ម្ចាស់​រថយន្ត​ដឹកទំនិញ​លើស​ទម្ងន់​ ​គឺ​មិន​សាក​សមនឹង​ថ្លៃ​ការ​ជួសជុល​ផ្លូវ​ដែល​ខូចខាត​នោះ​ទេ​។​ ​យោង​ច្បាប់​ស្តីពី​ ​ផ្លូវថ្នល់​ ​មាត្រា​៦​០​ ​បាន​ចែង​ថា​ ​អ្នកប្រើប្រាស់​យានយន្ត​ដឹកជញ្ជូន​ធុន​ធ្ងន់​ ​ដែល​ដឹកជញ្ជូន​ទំនិញ​លើ​ផ្លូវថ្នល់​ ​ដែល​មិន​ចូល​ថ្លឹង​នៅ​ស្ថានីយ​ជញ្ជីង​តាម​បណ្តាញ​ផ្លូវត្រូវ​ពិន័យ​អន្តរការណ៍​ជា​ប្រាក់​ចំនួន​​៥សែន​រៀល។​ ​ផ្ទុក​ទម្ងន់​មិន​លើស​៥ភាគរយ​ ​នៃ​ទម្ងន់​ក​ម្រិ​ត​កំណត់​ត្រូវធ្វើ​ការ​ព្រមាន​ជាលាយលក្ខណ៍អក្សរ​។​ ​ផ្ទុក​ទម្ងន់​លើស​ពី​៥​ ​ភាគរយ​ទៅ​១​០​ ​ភាគរយ​ ​នៃ​ទម្ងន់​ក​ម្រិ​ត​កំណត់​ត្រូវ​រើ​ទំនិញ​ចេញ​ ​និង​ឃាត់​យានជំនិះ​ទុក​ ​ចំនួន​១​០​ ​ថ្ងៃ​ ​និង​ត្រូវ​ពិន័យ​អន្តរការណ៍​ជា​ប្រាក់​ចំនួន​១​០​ ​ម៉ឺន​រៀល​ ​ក្នុង​ទម្ងន់១​តោន​។​ ​ផ្ទុក​ទម្ងន់​លើស​ពី​ ​១០​ ​ភាគរយ​ ​ទៅ​២​០​ ​ភាគរយ​ ​ត្រូវ​រើ​ទំនិញ​ចេញ​ ​និង​ឃាត់​យានជំនិះ​ទុក​ចំនួន​ ​១​ខែ​ ​និង​ពិន័យ​អន្តរការណ៍​ជា​ប្រាក់​ចំនួន​២​០​ ​ម៉ឺន​រៀល​ ​ក្នុង​ទម្ងន់​១​ ​តោន​។​ ​ផ្ទុក​ទម្ងន់​លើស​ពី​ ​២​០​ ​ភាគរយ​ ​នៃ​ទម្ងន់​ក​ម្រិ​ត​កំណត់​ត្រូវ​វើ​ទំនិញ​ចេញ​ ​និង​ឃាត់​យានជំនិះ​ទុក​ចំនួន​ ​១​ឆ្នាំ​ ​និង​ពិន័យ​អន្តរការណ៍​ជា​ប្រាក់​ចំនួន​៣​០​ ​ម៉ឺន​រៀល​ ​ក្នុង​ទំនិញ​ទម្ងន់​១​តោន​។​ ​ក្នុង​ករណី​ដឹក​លើស​ទម្ងន់​លើស​ក​ម្រិ​ត​អនុគ្រោះ​ ​នឹង​ត្រូវ​ផាក​ពិន័យ​កាន់តែ​ច្រើន​ ​ហើយ​ដក​ប​ណ្ណ​បើកបរ​ ​និង​ព្យួរ​ទុក​រយៈពេល​២​ឆ្នាំ​៕