ថ្ងៃសុក្រ ៤កើត ខែជេស្ឋ ឆ្នាំខាល ចត្វាស័កព.ស.២៥៦៦ ត្រូវនឹងថ្ងៃទី០៣ ខែមិថុនា ឆ្នាំ២០២២ ឯកឧត្តមទេសរដ្ឋមន្ត្រី ស៊ុន ចាន់ថុល ប្រធានក្រុមការងារគណបក្សចុះមូលដ្ឋានស្រុក បានអញ្ជើញជាអធិបតី ក្នុងពិធីបិទយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ឃុំព្រែកថ្មី និងឃុំព្រែកស្ដី នៅកីឡដ្ឋានស្រុកកោះធំ។ សមាសភាពចូលរួម៖ ឯកឧត្តម លោកជំទាវ អនុប្រធានក្រុមការងារគណបក្សចុះមូលដ្ឋានស្រុក ឯកឧត្តម លោក លោកស្រីប្រធាន អនុប្រធាន និងសមាជិកក្រុមការងារគណបក្សចុះមូលដ្ឋានឃុំព្រែកថ្មី ឯកឧត្តម លោក លោកស្រីប្រធាន អនុប្រធាន និងសមាជិកក្រុមការងារគណបក្សចុះមូលដ្ឋានឃុំព្រែកស្ដី គណៈអចិន្ត្រៃយ៍គណបក្សស្រុក គណៈកម្មាធិការគណបក្សស្រុក គណៈអចិន្ត្រៃយ៍គណបក្សឃុំ គណៈកម្មាធិការគណបក្សឃុំ បេក្ខជនពេញសិទ្ធិ និងបម្រុងក្រុមប្រឹក្សាឃុំអាណត្តិទី៥ ឆ្នាំ២០២២ គណៈកម្មាធិការសាខាគណបក្សជុំវិញស្រុក សាខាបក្សភូមិ និងសមាជិកគណបក្សឃុំទាំង២ឃុំ សរុប ១៨០០នាក់។ប្រើប្រាស់មធ្យោបាយរួមមាន៖រថយន្តចំនួន១៦៩គ្រឿង ម៉ូតូចំនួន ៩០៥គ្រឿង រថយន្តបញ្ចាំងស្លាយ ០២គ្រឿង កង់បី ០៥គ្រឿង មេក្រូ ២៧គ្រឿង ធុងបាស់ ៩គ្រឿង ភ្លេងតន្ត្រីសម័យ ០១វង់